اہم

اعجاز عبید ۲۰۰۶ء سے اردو تحریر یعنی یونیکوڈ کو فروغ دینے کی نیت سے اردو کی مفت دینی اور ادبی برقی کتب فراہم کرتے رہے ہیں۔ کچھ ڈومین (250 فری ڈاٹ کام، 4 ٹی ڈاٹ کام ) اب مرحوم ہو چکے، لیکن کتابیں ڈاٹ آئی فاسٹ نیٹ ڈاٹ کام کو مکمل طور پر کتابیں ڈاٹ اردو لائبریری ڈاٹ آرگ پر شفٹ کیا گیا جہاں وہ اب بھی برقرار ہے۔ اس عرصے میں ۲۰۱۳ء میں سیف قاضی نے بزم اردو ڈاٹ نیٹ پورٹل بنایا، اور پھر اپ ڈیٹس اس میں جاری رہیں۔ لیکن کیونکہ وہاں مکمل کتب پوسٹ کی جاتی تھیں، اس لئے ڈاٹا بیس ضخیم ہوتا گیا اور مسائل بڑھتے گئے۔ اب اردو ویب انتظامیہ کی کوششیں کامیاب ہو گئی ہیں اور لائبریری فعال ہو گئی ہے۔ اب دونوں ویب گاہوں کا فارمیٹ یکساں رہے گا، یعنی مکمل کتب، جیسا کہ بزم اردو لائبریری میں پوسٹ کی جاتی تھیں، اب نہیں کی جائیں گی، اور صرف کچھ متن نمونے کے طور پر شامل ہو گا۔ کتابیں دونوں ویب گاہوں پر انہیں تینوں شکلوں میں ڈاؤن لوڈ کے لئے دستیاب کی جائیں گی ۔۔۔ ورڈ (زپ فائل کی صورت)، ای پب اور کنڈل فائلوں کے روپ میں۔

کتابیں مہر نستعلیق فونٹ میں بنائی گئی ہیں، قارئین یہاں سے اسے ڈاؤن لوڈ کر سکتے ہیں:

مہر نستعلیق ویب فونٹ

کاپی رائٹ سے آزاد یا اجازت نامہ کے ساتھ اپنی کتب ان پیج فائل یا یونی کوڈ سادہ ٹیکسٹ فائل /ورڈ فائل کی شکل میں ارسال کی جائیں۔ شکریہ

یہاں کتب ورڈ، ای پب اور کنڈل فائلوں کی شکل میں فراہم کی جاتی ہیں۔ صفحے کا سائز بھی خصوصی طور پر چھوٹا رکھا گیا ہے تاکہ اگر قارئین پرنٹ بھی کرنا چاہیں تو صفحات کو پورٹریٹ موڈ میں کتاب کے دو صفحات ایک ہی کاغذ کے صفحے پر پرنٹ کر سکیں۔


ترجمہ تیسیر الرحمن لبیان القرآن ۔۔۔ ڈاکٹر محمد لقمان السلفی

ایک سلفی مکتب کی مشہور تفسیر قرآن کا صرف ترجمہ

تیسیر الرحمن لبیان القرآن

(ترجمہ قرآن)

از قلم

ڈاکٹر محمد لقمان السلفی

جمع و ترتیب: اعجاز عبید


ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…..کتاب کا نمونہ پڑھیں

تیسیر الرحمن لبیان القرآن

(ترجمہ قرآن)

از قلم

ڈاکٹر محمد لقمان السلفی

جمع و ترتیب: اعجاز عبید

۱۰۱۔ سورۃ القارعة

میں شروع کرتا ہوں اللہ کے نام سے جو نہایت مہربان، بے حد رحم کرنے والا ہے

۱.     سختی کے ساتھ جھنجھوڑ دینے والی قیامت

۲.     کیا ہے سختی کے ساتھ جھنجھوڑ دینے والی قیامت

۳.     اور آپ کو کیا معلوم، کیا ہے جھنجھوڑ دینے والی قیامت

۴.     جس دن لوگ (میدان محشر میں) بکھرے کیڑوں کے مانند ہوں گے

۵.     اور پہاڑ دھنی ہوئی روئی کی مانند ہو جائیں گے

۶.     پس جس کی نیکیوں کے پلڑے بھاری ہوں گے

۷.     وہ پسندیدہ زندگانی میں ہو گا

۸.     اور جس کے پلڑے ہلکے ہوں گے

۹.     اس کا ٹھکانہ ’’ہاویہ“ ہو گا

۱۰.    اور آپ کو کیا معلوم، وہ کیا ہے

۱۱.    وہ دہکتی ہوئی آگ ہے

٭٭٭

۱۰۲۔ سورۃ التكاثر

میں شروع کرتا ہوں اللہ کے نام سے جو نہایت مہربان، … مزید پڑھیے

ڈم ڈم جن ۔۔۔ ربیعہ سلیم مرزا، جمع و ترتیب: اعجاز عبید

بچوں کے ادب میں قابل قدر اضافہ

ڈم ڈم جن

از قلم

ربیعہ سلیم مرزا

جمع و ترتیب

اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

…. مکمل کتاب پڑھیں

ڈم ڈم جن

 

ربیعہ سلیم  مرزا

 

جمع و ترتیب: اعجاز عبید

 

لوٹ کے گڈو گھر کو آئے

کرونا کی وجہ سے اسکول بند تھے۔ آمنہ اور گڈو گلی کے بچوں کے ساتھ پکڑن پکڑائی کھیل رہے تھے۔ کبھی کبھار کسی بچے کی اماں اسے آواز دیتیں تو کھیل کچھ دیر کے لیے رک جاتا۔ تھوڑا جھنجھلانے کے بعد سب بچے پھر سے مگن ہو جاتے۔

دھیرے دھیرے سب بچے ایک ایک کر کے گھروں کو چلے گئے۔ گڈو اور آمنہ کو اندازہ ہی نہیں ہوا کہ کب وہ اکیلے رہ گئے، کھیل ہی کھیل میں وہ دونوں دور نکل آئے تھے کہ اب گلی بھی اجنبی تھی اور راستہ بھی۔

دونوں بری طرح گھبرا گئے۔ آمنہ گڈو سے کچھ بڑی تھی۔ اس نے لپک کر گڈو کا ہاتھ تھام لیا، جیسے وہ کہیں کھو جائے گا۔ دونوں دائیں بائیں دیکھتے، راستہ کھوجتے آگے بڑھنے لگے۔ شاید کوئی شناسا چہرہ دکھائی دے یا بھولا ہوا راستہ یاد آ جائے۔… مزید پڑھیے

دیوان ۔۔۔ ناصر کاظمی، جمع و ترتیب: اعجاز عبید

نئی غزل کا تاریخ ساز مجموعہ

دیوان

از قلم

ناصر کاظمی

جمع و ترتیب: اعجاز عبید

ڈاؤن لوڈ کریں

پی ڈی ایف فائل

ورڈ فائل

ٹیکسٹ فائل

ای پب فائل

کنڈل فائل

…. مکمل کتاب پڑھیں

دیوان

ناصر کاظمی

جمع و ترتیب: اعجاز عبید

آرائشِ خیال بھی ہو دل کشا بھی ہو

وہ درد اب کہاں جسے جی چاہتا بھی ہو

یہ کیا کہ روز ایک سا غم ایک سی اُمید

اِس رنجِ بے خمار کی اب انتہا بھی ہو

یہ کیا کہ ایک طور سے گزرے تمام عمر

جی چاہتا ہے اب کوئی تیرے سوا بھی ہو

ٹوٹے کبھی تو خوابِ شب و روز کا طلسم

اتنے ہجوم میں کوئی چہرہ نیا بھی ہو

دِیوانگیِ شوق کو یہ دھُن ہے اِن دِنوں

گھر بھی ہو اور بے در و دیوار سا بھی ہو

جز دل کوئی مکان نہیں دہر میں جہاں

رہزن کا خوف بھی نہ رہے در کھلا بھی ہو

ہر ذرّہ ایک محملِ عبرت ہے دشت کا

لیکن کسے دِکھاؤں کوئی دیکھتا بھی ہو

ہر شے پکارتی ہے پسِ پردۂ سکوت

لیکن کسے سناؤں کوئی ہم نوا بھی ہو

فرصت میں سن شگفتگیِ غنچہ کی صدا

یہ وہ سخن نہیں جو کسی نے کہا بھی ہو

بیٹھا … مزید پڑھیے

نشاطِ خواب ۔۔۔ ناصر کاظمی، جمع و ترتیب: اعجاز عبید

اسی نام کے مجموعے سے صرف ادبی نظموں کا انتخاب

نشاطِ خواب

از قلم

ناصر کاظمی

جمع و ترتیب: اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

…. مکمل کتاب پڑھیں

نشاطِ خواب

(انتخاب نظم، نشاطِ خواب نامی مجموعے سے)

ناصر کاظمی

جمع و ترتیب: اعجاز عبید

مطلعِ اوّل

ہر کوچہ اِک طلسم تھا ہر شکل موہنی

قصہ ہے اس کے شہر کا یارو شنیدنی

تھا اِک عجیب شہر درختوں کی اوٹ میں

اب تک ہے یاد اس کی جگا جوت روشنی

سچ مچ کا اِک مکان پرستاں کہیں جسے

رہتی تھی اس میں ایک پری زاد پدمنی

اُونچی کھلی فصیلیں، فصیلوں پہ برجیاں

دیواریں سنگِ سرخ کی، دروازے چندنی

جھل جھل جھلک رہے تھے پسِ چادرِ غبار

خیمے شفق سے لال، چتر تخت کندنی

فوّارے چھوٹتے ہوئے مر مر کے صحن میں

پھیلی تھی جس کے گرد گلِ بانس کی بنی

ہر بوستاں کے پھول تھے اس عیش گاہ میں

ہر دیس کے پرندوں نے چھائی تھی چھاؤنی

جھرمٹ کبوتروں کے اُترتے تھے رنگ رنگ

نیلے، اُجال، جو گیے، گلدار، کاسنی

پٹ بیجنا سی انکھڑیاں گلِ چاندنی سے تاج

چونچوں میں خس کی تیلیاں پنجوں میں پینجنی… مزید پڑھیے

دوسرے دیسوں کی نظمیں ۔۔۔ ناصر کاظمی، جمع و ترتیب: اعجاز عبید

ناصر کاظمی کے شعری مجموعے ’نشاط خواب‘ سے منتخب کردہ منظوم تراجم

دوسرے دیسوں کی نظمیں

از قلم

ناصر کاظمی

(نشاطِ خواب مجموعے سے تراجم)

جمع و ترتیب

اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

 

…. مکمل کتاب پڑھیں

 

دوسرے دیسوں کی نظمیں

ناصر کاظمی

(نشاطِ خواب مجموعے سے تراجم)

جمع و ترتیب: اعجاز عبید

گیت

اُس کا در چٹے پانی پر کھلتا تھا

کاٹھ کے پل کے آمنے سامنے

وہاں وہ ننھی منی سندری

سدا اکیلی رہتی تھی

اور اُس کا کوئی یار نہ تھا —-

نظم:  تزے۔  یے

جاڑے کی رات

مرا بستر کیسا سونا ہے

میں راتوں جاگتا رہتا ہوں

جب خنکی بڑھنے لگتی ہے

اور رین پون لہراتی ہے

یہ پردے سر سر کرتے ہیں

ساگر سا شور مچاتے ہیں

میں سوچتا ہوں کبھی یہ لہریں

ترے پاس مجھے پھر لے جائیں!!

نظم:  چائن وتنائی

پی، فو، جن

اُس کے ریشمی پھرن کی سرسر اب خاموش ہے

مر مر کی پگڈنڈی دھول سے اَٹی ہوئی ہے

اُس کا خالی کمرہ کتنا ٹھنڈا اور سونا ہے

دروازوں پر گرے ہوئے پتوں کے ڈھیر لگے ہیں

اُس سندری کے دھیان میں بیٹھے

میں … مزید پڑھیے

عقیدت کے رنگ ۔۔۔ ناصر کاظمی، جمع و ترتیب: اعجاز عبید

مجموعہ نشاطِ خواب سے علیحدہ کردہ نعتوں پر مشتمل برقی مجموعہ

عقیدت کے رنگ

از قلم

ناصر کاظمی

جمع و ترتیب: اعجاز عبید

ڈاؤن لوڈ کریں

پی ڈی ایف فائل

ورڈ فائل

ٹیکسٹ فائل

ای پب فائل

کنڈل فائل

…. مکمل کتاب پڑھیں

عقیدت کے رنگ

ناصر کاظمی

(نشاطِ خواب مجموعے سے)

جمع و ترتیب: اعجاز عبید

نعت

(تضمین بر اشعارِ غالب)

یہ کون طائرِ سد رہ سے ہم کلام آیا

جہانِ خاک کو پھر عرش کا سلام آیا

جبیں بھی سجدہ طلب ہے یہ کیا مقام آیا

’’زباں پہ بارِ خدایا! یہ کس کا نام آیا

کہ میرے نطق نے بوسے مری زباں کے لیے‘‘

خطِ جبیں ترا اُمّ الکتاب کی تفسیر

کہاں سے لاؤں ترا مثل اور تیری نظیر

دکھاؤں پیکرِ الفاظ میں تری تصویر

’’مثال یہ مری کوشش کی ہے کہ مرغِ اسیر

کرے قفس میں فراہم خس آشیاں کے لیے‘‘

کہاں وہ پیکرِ نوری، کہاں قبائے غزل

کہاں وہ عرش مکیں اور کہاں نوائے غزل

کہاں وہ جلوۂ معنی، کہاں ردائے غزل

’’بقدرِ شوق نہیں ظرفِ تنگنائے غزل

کچھ اور چاہیے وسعت مرے بیاں کے لیے‘‘

تھکی ہے فکرِ رسا اور مدح باقی ہے

قلم ہے آبلہ پا اور مدح باقی ہے

تمام عمر لکھا اور … مزید پڑھیے

علی بابا اور چالیس چور۔۔۔ اطہر پرویز، جمع و ترتیب: اعجاز عبید

بچوں کی ایک اور کلاسیکی کہانی

علی بابا اور چالیس چور

از قلم

اطہر پرویز

جمع و ترتیب: اعجاز عبید

(’ایک دن کا بادشاہ‘ نامی کتاب سے ماخوذ)

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

…. مکمل کتاب پڑھیں

 

علی بابا اور چالیس چور‎

اطہر پرویز

جمع و ترتیب : اعجاز عبید

ماخوذ از کتاب ’ایک دن کا بادشاہ‘

 

 

کہتے ہیں کہ کسی زمانے میں ایران میں دو بھائی رہتے تھے۔ ایک کا نام تھا قاسم اور دوسرے کا علی بابا — یہ دونوں بہت غریب تھے، بہت غریب — لیکن اچانک قاسم کی قسمت پلٹ گئی۔ اس کی شادی ایک دولت مند کی لڑکی سے ہو گئی اور وہ بڑے عیش و آرام سے رہنے لگا۔ اس نے ایک بڑی سی دوکان کھولی اور تھوڑے دنوں کے اندر اس کی گنتی بڑے تاجروں میں ہونے لگی۔
علی بابا کی شادی ایک غریب گھرانے میں ہوئی۔ وہ روزانہ جنگل سے لکڑیاں کاٹ کر لاتا، ان کو بازار میں بیچتا اور کسی نہ کسی طرح ان تھوڑے پیسوں میں گزر بسر کرتا۔
ایک دن علی بابا لکڑی کاٹنے کے لیے جنگل میں گیا۔
وہ لکڑی کاٹ کر … مزید پڑھیے

حسن بصری اور پریوں کی شہزادی ۔۔۔ اطہر پرویز، جمع و ترتیب: اعجاز عبید

بچوں کے لئے ایک اور دل چسپ کہانی

حسن بصری اور پریوں کی شہزادی

از قلم

اطہر پرویز

جمع و ترتیب: اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

…. مکمل کتاب پڑھیں

 

حسن بصری اور پریوں کی شہزادی

اطہر پرویز

(’ایک دن کا بادشاہ‘ نامی کتاب سے ماخوذ)

جمع و ترتیب: اعجاز عبید

کہتے ہیں کہ کسی زمانے میں ایران اور خراسان کا ایک بادشاہ تھا۔ اس کا نام تھا خواندمیر۔۔ اس کے دربار میں ایک سے ایک بڑا عالم تھا۔ یہ عالموں، شاعروں اور قصہ گویوں کو دربار میں سب سے زیادہ اہمیت دیتا تھا۔ اس کی علم دوستی کا چرچا دور دور تھا۔ اس کے دربار کا سب سے بڑا قصہ گو تھا۔ ابو علی۔۔ ابو علی بادشاہ کو روزانہ قصے سنایا کرتا تھا۔ آخر ایک دن یہ نوبت آئی کہ اس کے قصوں کا سارا خزانہ خالی ہو گیا۔ ایک دن شاہ خواندمیر نے ابو علی کو بلایا اور اس سے کہا۔۔ : ’’ابو علی! تمھارے قصوں کی گونجیں ہمارے دربار میں ہر طرف گونج رہی ہیں ۔۔ لیکن ہمارا جی چاہتا ہے کہ ہم تم سے ایک ایسی کہانی سنیں، جو آج … مزید پڑھیے

ایک دن کا بادشاہ ۔۔۔ اطہر پرویز، جمع و ترتیب: اعجاز عبید

 بچوں کے لئے ایک بے مثال کہانی

ایک دن کا بادشاہ

از قلم

اطہر پرویز

جمع و ترتیب: اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

…. مکمل کتاب پڑھیں

 

ایک دن کا بادشاہ

اطہر پرویز

جمع و ترتیب: اعجاز عبید

(اسی نام کی کتاب سے ماخوذ)

آپ نے خلیفہ ہارون رشید کا نام سنا ہو گا۔ خلیفہ ہارون رشید بغداد کے حاکم تھے۔ کہتے ہیں کہ ہارون رشید کے زمانے میں بغداد میں ایک بہت بڑا تاجر تھا۔ اس کا ایک بیٹا تھا۔ اس کا نام تھا ابو الحسن— باپ کے مرنے کے بعد ابو الحسن نے ساری دولت کو دو حصوں میں بانٹا۔ ایک حصے سے اس نے بڑے بڑے مکان اور دکانیں خریدیں۔ ان مکانوں اور دکانوں کے کرایے سے اس کا خرچ بہت اچھی طرح چلنے لگا۔ دوسرے حصے کو اس نے نقد روپیہ کی شکل میں رکھا۔ اس کو وہ اپنے عیش و آرام اور سیر و تفریح پر خرچ کرتا۔ ہر وقت اس کے گھر پر یار دوستوں کی بھیڑ لگتی رہتی۔ تمام دن ناچ گانے اور ہنسی مذاق ہوتے، بڑی شاندار دعوتیں ہوتیں۔ اس طرح اس کے دن عید … مزید پڑھیے

سانسوں کے سلطان پیا ۔۔۔ زین شکیل، جمع و ترتیب: اعجاز عبید

صوفیانہ شاعری کا ایک نمونہ

سانسوں کے سلطان پیا

از قلم

زین شکیل

جمع و ترتیب

اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…. مکمل کتاب پڑھیں

سُن سانسوں کے سلطان پیا

(غزلیں، نظمیں، گیت)

زین شکیل

جمع و ترتیب: اعجاز عبید

انتساب

نظر محمد صاحب کے نام

*****************

غزلیں

*****************

مری تھم تھم جاوے سانس پیا

مری آنکھ کو ساون راس پیا

تجھے سن سن دل میں ہوک اٹھے

ترا لہجہ بہت اداس پیا

ترے پیر کی خاک بنا ڈالوں

مرے تن پر جتنا ماس پیا

تُو ظاہر بھی، تُو باطن بھی

ترا ہر جانب احساس پیا

تری نگری کتنی دور سجن

مری جندڑی بہت اداس پیا

مجھے سارے درد قبول سجن

مجھے تیری ہستی راس پیا

میں چا کر تیری ازلوں سے

تُو افضل، خاص الخاص پیا

٭٭٭

مرا چین پیا، مری جان پیا

مری جندڑی کا سلطان پیا

ترے بعد حرام ہے جگ سارا

مجھے قسم رسول، قرآن پیا

تری رہ تکتے ہیں نین مرے

کبھی دل کا بن مہمان پیا

مرا ہیرا، لؤلؤ، موتی تُو

یاقوت مرا، مرجان پیا

مرا تیور تُو، مرا کومل تُو

مرا بھیرو، شُد کلیان پیا

مرا نحنُ اقرب بس اک … مزید پڑھیے

یہاں کتب ورڈ، ای پب اور کنڈل فائلوں کی شکل میں فراہم کی جاتی ہیں۔ صفحے کا سائز بھی خصوصی طور پر چھوٹا رکھا گیا ہے تاکہ اگر قارئین پرنٹ بھی کرنا چاہیں تو صفحات کو پورٹریٹ موڈ میں کتاب کے دو صفحات ایک ہی کاغذ کے صفحے پر پرنٹ کر سکیں۔
ویب گاہ کی تعمیر و تشکیل: محمد عظیم الدین اور اعجاز عبید