میری ایک طویل نظم

صاد

از قلم

اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…. مکمل کتاب پڑھیں

صاد

 

دیباچہ

تمھیں تو یاد ہوگا

میں نے یہ وعدہ کیا ہے

اپنے سارے

کچّے پکّے

نیلے پیلے

کھٹّے میٹھے شعر

سارے بھول جاؤں گا

٭٭

سنو

یہ پہلی (شاید آخری بھی) نظم ہوگی

تمھارے نام سے منسوب ہے جو

اگر فرصت ملے تم کو

تو یہ بھی دیکھ لینا

(کیا میں اس وعدہ خلافی کی

معافی مانگ لوں)

مگر یہ یاد رکھّو

آج کے بعد

جو مجھ میں ایک شاعر تھا

وہ مر جائے گا

بس اک انساں بچے گا

جس کے دل میں

ننھے ننھے دیپ روشن ہیں

٭٭

صاد

مری جتنی حِسیں ہیں

ان میں حسِ باصرہ ہی کیوں قوی ہے

کہ جو آکاش پر بکھرے ستاروں میں،

مثلّث ۔ دایرے۔ مکعب۔ مربّع

دیکھتی ہے

جو

ان بنجر زمینوں میں

سنہری بالیوں کے سبز پتّے

دیکھ لیتی ہے

کہ جن کے بیج

ابھی ڈالے گئے ہیں

یہ میری کیسی حسِّ باصرہ ہے!!

چلو

جب اک اجانی رہگزر کی جستجو ہو گی

زبانیں اپنی

ساری اجنبی ہو جائیں گی سب

اس دم

زبانِ باصرہ میں گفتگو ہوگی

٭٭٭

سنو

میں … مزید پڑھیے

میرا اپنا دوسرا شعری مجموعہ (۱۹۷۶ تا حال ۲۰۲۴ء کی غزلیات پر مشتمل)

اپنی برہنہ پائی پر

غزلیں

از قلم

اعجاز عبید

 

ڈاؤن لوڈ کریں

 

پی ڈی ایف فائل
ورڈ فائل
ٹیکسٹ فائل
ای پب فائل

 

…. مکمل کتاب پڑھیں

 

اپنی برہنہ پائی پر

 

 

غزلیں

زمانی اعتبار سے ۱۹۷۶ء  تا ۲۰۲۴ء تک کی غزلیں

 

 

اعجاز عبید

 

سلگتی ریت کو دو دن میں بھول جائیں نہ ہم
یہ ایک شعر ہے۔ اپنی برہنہ پائی پر

 

 

 

 

اب کتنی فصلیں بیت گئیں۔۔ اب یاد وہ کیا ہمیں آئیں بھی
وہ زخم جو اب کی بھر بھی گئے، اب آؤ انہیں سہلائیں بھی

یہ آنکھیں خزاں میں زرد رہیں۔ یہ آنکھیں بہار میں سرخ رہیں
جب پھول کھلیں تو جل جائیں۔ جب چاند بجھے مرجھائیں بھی

وہ قافلے شاہ سواروں کے اب دھول اڑاتے گزر گئے
یہ شہر پناہ کھلی رکھو شاید کہ وہ واپس آئیں بھی

اب اور ہمیں دکھ دینے کو وہ شخص نہیں آنے والا
اب بیٹھے اپنے زخم گنیں، اپنے دل کو سمجھائیں بھی

اب تو یہ چاند بھی ڈوب چلا، اب آؤ عبیدؔ ادھر آؤ
دیکھو۔ یہ الاؤ  جلا ہے ادھر۔۔  بیٹھو۔۔ کچھ دل بہلائیں بھی

1976ء… مزید پڑھیے

میرا اپنا پہلا شعری مجموعہ

تحریرِ آبِ زر

اعجاز عبید

ڈاؤن لوڈ کریں

 

پی ڈی ایف فائل
ورڈ فائل
ٹیکسٹ فائل
ای پب فائل

 

…. مکمل کتاب پڑھیں

 

تحریرِ آبِ زر

 

غزلیں

 

اعجاز عبید

 

 

زمانی اعتبار سے پہلے دس سال کی غزلیں

۱۹۶۷ء تا ۱۹۷۶ء

 

 

حدِّ نظر لکیر تھی تحریرِ آبِ زر
آنکھوں میں ایسا ڈوبتا منظر بھی تھا کبھی

ذہن کی راہوں میں کرتی ہے سفر آوارہ
یہ تری یاد ہے یا بادِ سحر آوارہ

ہم سنائیں گے اسے رام کہانی اپنی
جو بھی مل جائے سرِ راہ گزر آوارہ

ڈھونڈھتی رہتی ہے کیا کھوئے ہوئے خواب اپنے
کیوں بھٹکتی ہے خلاؤں میں نظر آوارہ

میرے ہمراہ چلا کرتی ہے یہ بھی ہر وقت
پھر مجھے کہتی ہے کیوں راہ گزر آوارہ

کون کہتا ہے کہ میں قافلے کے ساتھ نہیں
راہ میں کتنے مِلے خاک بسر آوارہ
٭٭٭

(پہلی غزل، مطبوعہ کتاب لکھنؤ۔  اگست 1967)

غزلوں میں چاندنی کے مدھر سر چھپا لئے
ہم نے ہوا کے ہونٹوں سے نغمے چرا لئے

آخر گزر ہی جائے گی اس طرح رات بھی
کاغذ کو یوں ہی موڑئیے، کچھ شئے اچھالئے

میں تو بھٹک رہا ہوں، پھر آؤں گا اس جگہ… مزید پڑھیے

ایک عمدہ شاعر کی عمدہ نظم

کیسر بائی کی ٹھمری بھیرویں

شاعر:

وحید احمد

جمع و ترتیب: اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

 

…. مکمل کتاب پڑھیں

کیسر بائی کی ٹھمری بھیرویں

 

 

ڈاکٹر وحید احمد

 

جمع و ترتیب: اعجاز عبید

 

بیان

 

اگر کوئی مجھ سے یہ پوچھے کہ تاریخ انسانی کا سب سے بڑا واقعہ کیا ہے۔ تو میں کہوں گا کہ خلائی اڑن طشتری وائجر 1 کی پرواز۔ بادی النظر میں یہ بیان ایک sweeping statement معلوم ہوتی ہے۔ مگر میں چونکہ اس پر یقین رکھتا ہوں، اس لئے عرض کیا ہے۔

وائجر 1 (Voyger 1) امریکی خلائی ادارے ناسا کی فخریہ پیشکش ہے۔ یہ ایک space probe ہے جو 5 ستمبر 1977 کو چھوڑا گیا۔ اس کا مقصد نظام شمسی سے باہر بین النجوم خلا میں زندگی کے آثار دریافت کرنا ہے۔ $ 865 ملین کی رقم سے بنا یہ پراجیکٹ ناسا کا flagship پروگرام ہے۔ اس وقت بھی وائجر ون محو پرواز ہے۔ وہ اکتوبر 2024 میں زمین سے 7۔24 ارب کلومیٹر یا 4۔15 ارب میل کے فاصلے پر بین النجوم خلا یعنی Interstellar space میں اڑ رہا ہے۔ کچھ … مزید پڑھیے

خوبصورت غزلوں نظموں کا گلدستہ

وہ آنکھوں سے بول رہا تھا

شاعر

زین شکیل

جمع و ترتیب

اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…. مکمل کتاب پڑھیں

وہ آنکھوں سے بول رہا تھا

 

(غزلیں، نظمیں)

زین شکیل

جمع و ترتیب: اعجاز عبید

انتساب

رضوان خلیل اور اذان علی کے نام

***

غزلیں

***

اپنے آنسو رول رہا تھا

وہ آنکھوں سے بول رہا تھا

تیرے بعد مرے کمرے میں

ماتم کا ماحول رہا تھا

ہم ہی چلنے سے عاری تھے

وہ تو رستے کھول رہا تھا

جان! تمہاری نگری اندر

میں کتنا بے مول رہا تھا

وہ بھی کیسے اپنی چُپ سے

میری چُپ کو تول رہا تھا

تم کتنے انمول ہوئے ہو

میں کتنا انمول رہا تھا

رات، مری بے چین آنکھوں میں

چاند اداسی گھول رہا تھا

یاد ہے؟ تیری خاطر میرے

ہاتھوں میں کشکول رہا تھا

***

اک تری یاد کو بس رختِ سفر جانا ہے

ہم نے پتھر کو بہر طور گہر جانا ہے

جس طرح رات کٹی دن بھی گیا ہاتھوں سے

اس طرح ہم نے کسی شام گزر جانا ہے

یہ جو دریا ہے کسی یاد کا بپھرا دریا

اِس نے چپ … مزید پڑھیے

ایک دلچسپ تاریخی ڈرامہ

رہروِ تفتہ

از قلم

نیّر مسعود

جمع و ترتیب: اعجاز عبید

ڈاؤن لوڈ کریں

 

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

…. مکمل کتاب پڑھیں

 

رَہروِ تفتہ

 

ایک اردو ڈرامہ

 

نیر مسعود

 

جمع و ترتیب: اعجاز عبید

 

 

 

(پس منظر میں مسلسل ہلکی المیہ موسیقی۔ دروازہ کھلنے کی دھیمی آواز)

باقر علی خاں: داروغہ کلّو، کیا ہے؟

کلّو: بیگم صاحب نے خیر خبر پوچھی ہے۔

باقر علی خاں: وہی حال ہے۔ کہو دعا کریں۔ خضر مرزا، جاؤ بیٹا تم دادی کے پاس رہو۔ انھیں لیتے جاؤ داروغہ کلّو۔ روتے کیوں ہو؟ تم تو ان کو اور پریشان کر دو گے۔

کلّو: (روتے ہوئے) میاں، چودہ برس کی عمر سے ان کی خدمت میں ہوں۔ نوکر ہوں، لیکن مرزا صاحب نے بیٹوں کی طرح رکھا ہے۔ کیسی کیسی دل داری کرتے تھے، اب آنکھ اٹھا کر بھی نہیں دیکھ رہے ہیں۔

باقر علی خاں: (ٹھنڈی سانس) ہاں بھائی، سچ کہتے ہو۔ (بلند تر آواز) تشریف لائیے۔ آئیے، اِدھر نکل آئیے۔

دوست: الله! اب کیا حال ہے؟

باقر علی خاں: بےہوش ہیں، کچھ رہ نہیں گیا ہے۔

دوست: نہیں! کیوں کر یقین کروں! ابھی … مزید پڑھیے

ایک زبردست ناولٹ

مجو بھیا

از قلم

قاضی عبد الستار

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

 

…. مکمل کتاب پڑھیں

 

مجو بھیا

 

 

قاضی   عبد الستار

 

جمع و ترتیب: اعجاز عبید

 

 

پنڈت آنند سہائے تعلقدار ککراواں کے مرتے ہی شیخ سرور علی نے مختاری کے چونچلوں کو سلام کیا اور کمر کھول دی۔ رئیس پنڈت درگا سہائے نے جھوٹ موٹ کی بھی کی لیکن شیخ جی (وہ ککراواں میں اسی نام سے بجتے تھے) اپنے ٹانگن پر سوار ہو کر مان پور آ ہی گئے۔ شروع شروع میں شیخ کو مان پور میں ایسا لگا جیسے صبح سورج کی مشعل لیے شام کو ڈھونڈھا کرتی ہے اور شام اپنی آرتی میں ستارے جلائے صبح کی راہ تکا کرتی ہے۔ مگر چیت کے آتے آتے انہوں نے کاشتکاروں سے اپنی سیر نکالی اور چار جوڑ بیل خرید کر کھیتی شروع کر دی۔

پہلا پانی پڑتے ہی بستی سے ملے ہوئے پاسی سکھیے کے پلاٹ پر کنواں کھود کر قلعی باغ کی طرح بھی ڈال دی۔ لیکن وقت اب بھی کاٹے نہ کٹتا۔ آخرکار انہوں نے اپنی شیخی کو طاق پر رکھ اور بستی کے … مزید پڑھیے

ایک نئے شاعر کی نثری نظمیں

نظمگی

از قلم

آصف جانف

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…. مکمل کتاب پڑھیں

 

 

نظمگی

نظمیں

آصف جانف

 

 

خدا کی آئی ڈی پر پروفائل پکچر نہیں ہے

کائنات بنا کر

خُدا نے پوسٹ اپلوڈ کی

اور

ری ایکٹس دیکھنے بیٹھ گیا!

ری ایکٹس میں

نیلے ری ایکٹس،

دِل والے ری ایکٹس،

کیئرِنگ ری ایکٹس،

لافِنگ ری ایکٹس،

حیرانگی والے ری ایکٹس،

اُداسی والے ری ایکٹس

اور

غُصّے والے ریک ایکٹس شامِل ہیں!

کامینٹس کرنے والوں میں

آہ والے،

واہ والے،

کنفیوژن والے،

اور

تنقید کرنے والے شامِل ہیں!

آئی ڈی کو فیک سمجھنے والوں

اور نظر انداز کرنے والوں کی

تعداد میں اِضافہ ہوتا جا رہا ہے

کیوں کہ

’’خُدا کی آئی ڈی پر پروفائل پِکچر نہیں ہے‘‘

خدا کی آئی ڈی پر پروفائل پکچر نہیں ہے 2

خدا نے آئی ڈی بنا کر

انسانوں کو ریکویسٹس بھیجیں

اور پوسٹ اپلوڈ کی

"I’m the God”

پڑھنے والوں کی ہنسی نہیں رُکی

وہ زور زور سے ہنسنے لگے

کچھ نے دل والا ری ایکٹ کیا

کچھ نے نیلا

کچھ نے اداسی والا

کچھ نے کیئرنگ

کچھ نے واؤ

اور کچھ نے غصے … مزید پڑھیے

اسی نام کے مجموعے سے صرف ادبی نظموں کا انتخاب

نشاطِ خواب

از قلم

ناصر کاظمی

جمع و ترتیب: اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

…. مکمل کتاب پڑھیں

نشاطِ خواب

(انتخاب نظم، نشاطِ خواب نامی مجموعے سے)

ناصر کاظمی

جمع و ترتیب: اعجاز عبید

مطلعِ اوّل

ہر کوچہ اِک طلسم تھا ہر شکل موہنی

قصہ ہے اس کے شہر کا یارو شنیدنی

تھا اِک عجیب شہر درختوں کی اوٹ میں

اب تک ہے یاد اس کی جگا جوت روشنی

سچ مچ کا اِک مکان پرستاں کہیں جسے

رہتی تھی اس میں ایک پری زاد پدمنی

اُونچی کھلی فصیلیں، فصیلوں پہ برجیاں

دیواریں سنگِ سرخ کی، دروازے چندنی

جھل جھل جھلک رہے تھے پسِ چادرِ غبار

خیمے شفق سے لال، چتر تخت کندنی

فوّارے چھوٹتے ہوئے مر مر کے صحن میں

پھیلی تھی جس کے گرد گلِ بانس کی بنی

ہر بوستاں کے پھول تھے اس عیش گاہ میں

ہر دیس کے پرندوں نے چھائی تھی چھاؤنی

جھرمٹ کبوتروں کے اُترتے تھے رنگ رنگ

نیلے، اُجال، جو گیے، گلدار، کاسنی

پٹ بیجنا سی انکھڑیاں گلِ چاندنی سے تاج

چونچوں میں خس کی تیلیاں پنجوں میں پینجنی… مزید پڑھیے

ناصر کاظمی کے شعری مجموعے ’نشاط خواب‘ سے منتخب کردہ منظوم تراجم

دوسرے دیسوں کی نظمیں

از قلم

ناصر کاظمی

(نشاطِ خواب مجموعے سے تراجم)

جمع و ترتیب

اعجاز عبید

 

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

 

 

…. مکمل کتاب پڑھیں

 

دوسرے دیسوں کی نظمیں

ناصر کاظمی

(نشاطِ خواب مجموعے سے تراجم)

جمع و ترتیب: اعجاز عبید

گیت

اُس کا در چٹے پانی پر کھلتا تھا

کاٹھ کے پل کے آمنے سامنے

وہاں وہ ننھی منی سندری

سدا اکیلی رہتی تھی

اور اُس کا کوئی یار نہ تھا —-

نظم:  تزے۔  یے

جاڑے کی رات

مرا بستر کیسا سونا ہے

میں راتوں جاگتا رہتا ہوں

جب خنکی بڑھنے لگتی ہے

اور رین پون لہراتی ہے

یہ پردے سر سر کرتے ہیں

ساگر سا شور مچاتے ہیں

میں سوچتا ہوں کبھی یہ لہریں

ترے پاس مجھے پھر لے جائیں!!

نظم:  چائن وتنائی

پی، فو، جن

اُس کے ریشمی پھرن کی سرسر اب خاموش ہے

مر مر کی پگڈنڈی دھول سے اَٹی ہوئی ہے

اُس کا خالی کمرہ کتنا ٹھنڈا اور سونا ہے

دروازوں پر گرے ہوئے پتوں کے ڈھیر لگے ہیں

اُس سندری کے دھیان میں بیٹھے

میں … مزید پڑھیے