اہم
اعجاز عبید ۲۰۰۶ء سے اردو تحریر یعنی یونیکوڈ کو فروغ دینے کی نیت سے اردو کی مفت دینی اور ادبی برقی کتب فراہم کرتے رہے ہیں۔ کچھ ڈومین (250 فری ڈاٹ کام، 4 ٹی ڈاٹ کام ) اب مرحوم ہو چکے، لیکن کتابیں ڈاٹ آئی فاسٹ نیٹ ڈاٹ کام کو مکمل طور پر کتابیں ڈاٹ اردو لائبریری ڈاٹ آرگ پر شفٹ کیا گیا جہاں وہ اب بھی برقرار ہے۔ اس عرصے میں ۲۰۱۳ء میں سیف قاضی نے بزم اردو ڈاٹ نیٹ پورٹل بنایا، اور پھر اپ ڈیٹس اس میں جاری رہیں۔ لیکن کیونکہ وہاں مکمل کتب پوسٹ کی جاتی تھیں، اس لئے ڈاٹا بیس ضخیم ہوتا گیا اور مسائل بڑھتے گئے۔ اب اردو ویب انتظامیہ کی کوششیں کامیاب ہو گئی ہیں اور لائبریری فعال ہو گئی ہے۔ اب دونوں ویب گاہوں کا فارمیٹ یکساں رہے گا، یعنی مکمل کتب، جیسا کہ بزم اردو لائبریری میں پوسٹ کی جاتی تھیں، اب نہیں کی جائیں گی، اور صرف کچھ متن نمونے کے طور پر شامل ہو گا۔ کتابیں دونوں ویب گاہوں پر انہیں تینوں شکلوں میں ڈاؤن لوڈ کے لئے دستیاب کی جائیں گی ۔۔۔ ورڈ (زپ فائل کی صورت)، ای پب اور کنڈل فائلوں کے روپ میں۔
کتابیں مہر نستعلیق فونٹ میں بنائی گئی ہیں، قارئین یہاں سے اسے ڈاؤن لوڈ کر سکتے ہیں:
مہر نستعلیق ویب فونٹ
کاپی رائٹ سے آزاد یا اجازت نامہ کے ساتھ اپنی کتب ان پیج فائل یا یونی کوڈ سادہ ٹیکسٹ فائل /ورڈ فائل کی شکل میں ارسال کی جائیں۔ شکریہ
یہاں کتب ورڈ، ای پب اور کنڈل فائلوں کی شکل میں فراہم کی جاتی ہیں۔ صفحے کا سائز بھی خصوصی طور پر چھوٹا رکھا گیا ہے تاکہ اگر قارئین پرنٹ بھی کرنا چاہیں تو صفحات کو پورٹریٹ موڈ میں کتاب کے دو صفحات ایک ہی کاغذ کے صفحے پر پرنٹ کر سکیں۔
ڈاکٹر انجمن آرا انجمؔ کی پی ایچ ڈی مقالے کا ایک حصہ۔۔۔ ڈرامہ
یہودی کی لڑکی
ڈرامہ نگار
آغا حشرؔ کاشمیری
ترتیب و تصحیح
ڈاکٹر انجمن آرا انجمؔ
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
مکمل کتاب پڑھیں…..
یہودی کی لڑکی
آغا حشرؔ کاشمیری
﴿ ترتیب و تصحیح ﴾
ڈاکٹر انجمن آرا انجمؔ
تدوین: اعجاز عبید
انتساب
اپنے مرحوم والدین کے نام
جنھوں نے مجھے علم کی وہ شمعِ فروزاں عطا کی جس کی روشنی میں دینی، دنیوی اور روحانی سعادت و مسرت کے لازوال خزینوں تک میری رسائی ہو سکی
انجمن آرا انجمؔ
مقدمہ
ڈرامے کو یونانی اور سنسکرت روایات میں قدیم زمانہ سے بڑی اہمیت حاصل رہی۔ ان روایات میں وہ مذہب کا بھی حصہ تھا اور شعری و ادبی سرمایہ کا بھی۔ لیکن دونوں ہی زبانوں میں یہ اپنے عروج تک پہنچ کر زوال کا شکار ہو گیا۔ ہندوستان کی دوسری زبانوں میں بھی یہ روایات آگے نہ بڑھ سکی۔ اردو شعر و ادب کا آغاز ہوا تو مختلف شعری و نثری اصناف پر توجہ دی گئی۔ لیکن ڈرامے کی طرف کوئی التفات نہ ہوا۔ اس … مزید پڑھیے
برلن کا ایک سفر نامہ
میری یادوں میں برلن
مصنفہ
عشرت ناہید
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
مکمل کتاب پڑھیں…..
میری یادوں میں برلن
(سفر نامہ)
عشرت ناہید
عمر رفتہ کی ہر اک طاق پہ جلتا ہے دیا
تم سے ملنے کا، بچھڑنے کا، سنبھل جانے کا
(عشرت معین سیماؔ)
انتساب
عزیز دوست عشرت معین سیما و انور ظہیر رہبر صاحب
رب کی مہر بھائی نظر
نعمت خدا یان، رحمت رب مشا
کے نام
مقدمہ
پروفیسر خالد محمود
انسان فطرتاً مہم جو اور سفر پسند واقع ہوا ہے۔ وہ دنیا کو اپنی آنکھوں سے دیکھنا چاہتا ہے۔ شوقِ سیاحت اس کی طبیعت کا خاصہ ہے۔ قدیم زمانے میں جب کہ سفر کی ایسی سہولیتیں میسر نہیں تھیں جیسی آج ہیں اس کے باوجود وہ اپنی جستجو اور خواہش کو دبا نہیں سکا۔ ساری مشکلات برداشت کیں، مصائب جھیلے، پریشانیاں اٹھائیں مگر پائے استقامت میں ذرا بھی لغزش نہیں آنے دی۔ بادِ مخالف اس کے اسپِ شوق کو تازیانہ ثابت ہوئی۔ جب قدم بڑھا تو بڑھتا ہی چلا گیا۔ پیچھے ہٹنا تو کجا ٹھہرنے کا بھی نام نہیں لیا۔ بعض لوگ سمجھتے ہیں کہ جب جدید ٹیکنالوجی خصوصاً گوگل اور یوٹیوب کی … مزید پڑھیے
ایک کلاسیکی شاعر کی کلیات
کلیاتِ نظرؔ
شاعر
عبد الحمید صدیقی نظرؔ لکھنوی
ترتیب
محمد تابش صدیقی، اعجاز عبید
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
کتاب کا اقتباس پڑھیں…..
کلیاتِ نظرؔ
محمد عبد الحمید صدیقی نظر لکھنوی
ترتیب و تدوین: تابش صدیقی، اعجاز عبید
انتساب
محبّانِ رسولؐ کے نام
حمد
ضیائے کون و مکان لا الٰہ الا اللہ
بنائے نظمِ جہاں لا الٰہ الا اللہ
شفائے دردِ نہاں لا الٰہ الا اللہ
سکونِ قلبِ تپاں لا الٰہ الا اللہ
نفس نفس میں رواں لا الٰہ الا اللہ
رگِ حیات کی جاں لا الٰہ الا اللہ
بدستِ احمدِ مرسل ؐ بفضلِ ربِّ کریم
ملی کلیدِ جناں لا الٰہ الا اللہ
دلوں میں جڑ جو پکڑ لے تو برگ و بار آئیں
ابھی ہے زیرِ زباں لا الٰہ الا اللہ
ہے تار تار اسی سے تو چادرِ ظلمت
چراغِ نور فشاں لا الٰہ الا اللہ
شجر حجر ہوں کہ جنّ و بشر کہ ماہی و مرغ
سبھی کے وردِ زباں لا الٰہ الا اللہ
سرور و کیف و حلاوت نظرؔ جو ہے درکار
صباح و شام بخواں لا الٰہ الا اللہ
٭٭٭
… مزید پڑھیے
انٹر نیٹ پر اردو کی ترقی کے لئے معروف اردو محفل کی یاد گار، رکن محمد وارث کے پیش کردہ فارسی اشعار اور اردو ترجمے
نقش ہائے رنگ رنگ
انتخاب و ترجمہ
محمد وارث
ترتیب
محمد تابش صدیقی
ڈاؤن لوڈ کریں
تابش صدیقی کی فائلیں:
پی ڈی ایف فائل
ای پب فائل
باز تدوین کردہ فائلیں
پی ڈی ایف فائل
ورڈ فائل
ٹیکسٹ فائل
مکمل کتاب پڑھیں…..
نقش ہائے رنگ رنگ
فارسی شاعری اور اردو ترجمے کا انتخاب
انتخاب و ترجمہ
محمد وارث
مرتب
محمد تابش صدیقی
پیش لفظ
فارسی شاعری اپنے اندر معنی و خیال کی ایک دل نشیں دنیا رکھتی ہے۔ محمد وارث صاحب نے اس دنیا سے اپنے پسندیدہ اشعار منتخب کیے اور ان کے رواں اردو تراجم کے ذریعے ان کی لطافت قارئین تک پہنچائی۔ ان کے انتخاب میں ممتاز کلاسیکی شعرا کے ساتھ ایسے اہلِ سخن بھی شامل ہیں جن کا کلام عام قاری تک نسبتاً کم پہنچتا ہے۔
«نقش ہائے رنگ رنگ» انہی منتخب فارسی اشعار اور اردو تراجم کو کتابی صورت میں یکجا کرنے کی کوشش ہے۔ اس کا بنیادی مواد محمد وارث صاحب کے بلاگ «صریرِ خامۂ وارث» اور اردو محفل میں شائع ہونے … مزید پڑھیے
تفصیلی تفسیر دعوت القرآن کا آخری حصہ
دعوت القرآن
پارہ عم
مفسر
شمس پیرزادہ
تدوین
اعجاز عبید
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
مکمل کتاب پڑھیں…..
دعوت القرآن
پارہ عم
(تفسیر سورۂ النباء تا سورۃ الناس)
شمس پیر زادہ
ترتیب و تدوین: اعجاز عبید
(۷۸) سورۃ اَلنَّبَا
(۴۰ آیات)
بسم اللہ الرحمن الرحیم
اللہ رحمن و رحیم کے نام سے
تعارف
نام
اس سورہ کا نام النَباَ ہے جس کے معنی اہم خبر کے ہیں۔ مراد قیامت اور دوبارہ اُٹھائے جانے کی خبر ہے یہ نام اس سورہ کی آیت ۲ سے ماخوذ ہے۔
زمانۂ نزول
سورہ مکی ہے اور ابتدائی آیات ہی سے یہ بات واضح ہوتی ہے کہ یہ سورہ اس وقت کی تنزیل ہے جبکہ نبی صلی ﷲ علیہ و سلم نے اہل مکہ کو قیامت کے آنے اور جزا و سزا کے واقع ہونے کی خبر دی تھی۔ جس کے نتیجہ میں اس موضوع پر ایک بحث اُٹھ کھڑی ہوئی تھی اور قیامت کو ناممکن قرار دیتے ہوئے اس کا مذاق اڑایا جا رہا تھا۔ ظاہر ہے یہ حالات دعوت کے پہلے مرحلہ ہی میں پیش آئے تھے۔… مزید پڑھیے
ایک عمدہ تفسیر کا حصہ جس کی بز تدوین کی گئی
دعوت القرآن (تفسیر سورۃ الفاتحہ و سورۃ البقرہ)
از قلم
شمس پیرزادہ
تدوین
اعجاز عبید
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
مکمل کتاب پڑھیں…..
دعوۃ القرآن
جلد اول
(تفسیر سورۂ فاتحہ و سورۃ البقرہ)
شمس پیر زادہ
ترتیب و تدوین: اعجاز عبید
(۱) سورۃ الفاتحہ
(۷ آیات)
بسم اللہ الرحمن الرحیم
اللہ رحمٰن و رحیم کے نام سے
تعارف
یہ سورہ نبوت کے ابتدائی زمانہ میں مکہ میں نازل ہوئی۔ اس کی سات آیتیں ہیں۔ اس سورہ کی حیثیت دیباچۂ قرآن کی ہے اور اسی مناسبت سے اس کا نام سورۂ فاتحہ یعنی افتتاحی سورہ ہے، اس کا اعجاز یہ ہے کہ نہایت مختصر ہونے کے باوجود اس میں پورے قرآن کا لب لباب موجود ہے۔ اسی لیے اسے ام القرآن کہا گیا ہے۔ قرآن کی دعوت کے بنیادی نکات، توحید، آخرت اور رسالت کو نہایت خوبی کے ساتھ اس میں سمو دیا گیا ہے۔ چنانچہ اس میں اللہ تعالیٰ کی رحمت، ربوبیت اور الوہیت کی صفات بیان ہوئی ہیں جو توحید پر دلالت … مزید پڑھیے
شکاریات پر ایک اور کتاب
شیر دہاڑتا ہے
مصنف
کینیتھ اینڈرسن
اردو ترجمہ
محمد منصور قیصرانی
تدوین: اعجاز عبید
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
مکمل کتاب پڑھیں…..
شیر دہاڑتا ہے
کینیتھ اینڈرسن
اردو ترجمہ
محمد منصور قیصرانی
ترمیم و تدوین: اعجاز عبید
انتساب
قدیم ہندوستان کے نام جہاں میں بصد خوشی کئی سال رہا تھا اور نئے ہندوستان کے لئے جو آزادی اور جمہوریت اور ایک نئی راہِ زندگی کی تلاش میں سرگرم ہے۔
تعارف
دیباچے اتنے اہم نہیں اور انہیں شاید ہی کبھی پڑھا جاتا ہو۔ ظاہر ہے قاری پڑھنے کے لیے کتاب خریدتا ہے تاکہ اس سے لطف اندوز ہو اور کچھ نیا سیکھے۔ اس سلسلے میں اسے مصنف کی بات سے زیادہ فائدہ نہیں ہو سکتا۔ قبل اس کے کہ میں جنوبی ہندوستان کے جنگلوں کے بارے میں اپنی چند داستانیں سناؤں، میں ان جنگلوں اور ان کی جنگلی حیات کی بقاء کے بارے میں درخواست کروں گا۔ اس سے نہ صرف ہم بلکہ آئندہ نسلیں بھی لطف اندوز ہو سکیں گی۔ وقت پہلے ہی ہاتھوں سے نکلا جا رہا ہے۔
حکومت ہند، ہر ریاست اور صوبے، ہر شکاری اور … مزید پڑھیے
نظم و غزل کی کلیات
موجزن احساس دریا
شاعر
اسلم عمادی
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
کتاب کا نمونہ پڑھیں…..
موجزن احساس دریا
کلیاتِ نظم و غزل
اسلم عمادی
حصار منبر و محراب
حمد
ہنستے رہیں گے لب یہ عنایت اسی کی ہے
برسیں گے ہم پہ پھول یہ الفت اسی کی ہے
میں کیا ہوں ایک قطرۂ بحر کمال شوق
ہوں آج موجزن تو یہ قدرت اسی کی ہے
مجھ سے تمام شہر میں ہے گرمیِ حیات
میرے بدن میں ساری حرارت اسی کی ہے
ہم کو بنا دیا ہے ہواؤں کا حکمراں
ہم پر اتر رہی ہے جو طاقت اسی کی ہے
ہم کیا تھے صرف رنگِ بصارت کا آئینہ
ہم میں جو آ گئی ہے بصیرت اسی کی ہے
٭٭٭
ایک ادھوری حمد
تجھی سے روشنی آنکھوں میں
رنگ بے زبانی میں
تماشا بے نشانی کا
لہو کا زاویہ گہرا
تجھی سے راکھ میں چنگاریاں
سوکھی ندی میں چیتے سوتے
کسی سنسان سی آہٹ
تجھی سے روشنی آنکھوں میں
وحشت سی بصیرت میں
زباں میں قوتِ آتش نشانی
تماشا بے نشانی کا
کہ ہر … مزید پڑھیے
تنقید کی ایک اہم برقی کتاب
زبان کا لہجائی تغیر: اقسام اور ابلاغی اہمیت؛ اور دوسرے مضامین
مصنف
علی رفاد فتیحی
ڈاؤن لوڈ کریں
پی ڈی ایف فائل
ورڈ فائل
ٹیکسٹ فائل
ای پب فائل
مکمل کتاب پڑھیں…..
زبان کا لہجائی تغیر: اقسام اور ابلاغی اہمیت
اور دیگر مضامین
علی رفاد فتیحی
سلام بن رزاق کے افسانہ "یک لویہ” کی بیانوی ساخت
سلام بن رزاق کا افسانہ "یک لویہ” صرف ایک افسانوی بیانیہ نہیں بلکہ نسلی، سماجی اور ثقافتی درجہ بندیوں کے خلاف ایک علامتی احتجاج بھی ہے۔ یہ افسانہ اساطیری حوالے سے ایک پسماندہ طبقے کے بھیل بچے کی کہانی بیان کرتا ہے جو فنِ تیر اندازی سیکھنے کا متمنی ہے، لیکن ذات پات کے نظام میں اس کی حیثیت اسے یہ حق نہیں دیتی۔ افسانے کی بیانوی ساخت (Narrative Structure) اس کی معنویت کو سہارا دیتی ہے
افسانہ ایک خاص ماحول میں شروع ہوتا ہے جہاں ہرینہ بھیل اپنے بیٹے یک لویہ کو لے کر مختلف قدرتی رکاوٹوں کو عبور کرتا ہوا ایک مخصوص مقام، "اندر پرستھ” پہنچتا ہے۔
جب وہ شہر میں داخل ہوا تو کافی دن چڑھ آیا تھا، اور سائے سمٹ رہے تھے۔ صاف ستھری … مزید پڑھیے
ایک اہم تفسیر تین جلدوں میں
تفسیر ابن عباس
مؤلف ابو طاہر محمد یعقوب، مترجم: حافظ سعید احمد عاطف
جمع و ترتیب
محمد عظیم الدین، اعجاز عبید
ڈاؤن لوڈ کریں
جلد اول
پی ڈی ایف فائل
ورڈ فائل
ٹیکسٹ فائل
ای پب فائل
جلد دوم
پی ڈی ایف فائل
ورڈ فائل
ٹیکسٹ فائل
ای پب فائل
جلد سوم
پی ڈی ایف فائل
ورڈ فائل
ٹیکسٹ فائل
ای پب فائل
کتاب کا اقتباس پڑھیں…..
تفسیر ابن عباس
(مع اردو ترجمہ قرآن: فتح محمد جالندھری
اور ’باب النقول فی اسباب النزول‘ از علامہ جلال الدین سیوطیؒ)
مؤلف ابو طاہر محمد یعقوب، مترجم: حافظ سعید احمد عاطف
جلد اول
پارہ ۱ تا پارہ ۱۰
جمع و ترتیب: محمد عظیم الدین، اعجاز عبید
تعارف تفسیر ابن عباسؓ
عربی تفسیر ابن عباس کا پورا نام "تنویر المقباس من تفسیر ابن عباس” ہے اصل عربی تفسیر کے مصنف ابو الطاہر محمد بن یعقوب بن محمد بن ابراہیم نجد الدین الشیرازی الشافعی ہیں۔ اور یہ تفسیر تفسیر قرآن سے متعلق عبد اللہ ابن عباسؓ کی روایات کا مجموعہ ہے جس کو اردو میں مجد الدين أبو طاہر محمد بن … مزید پڑھیے