ابرار احمد

تصنیف حیدر ( ادبی دنیا) کی پیشکش

آنکھ بھر اندھیرا

منتخب نظموں کا برقی مجموعہ

ڈاؤن لوڈ کریں

کتاب کا نمونہ پڑھیں…..

چمکتی ہیں آنکھیں

بہت خوب صورت ہے بچہ

وہ جن بازوؤں میں

مچلتا ہے، لو دے رہے ہیں

چہکنے لگے ہیں پرندے

درختوں میں پتے بھی ہلنے لگے ہیں

کہ لہراتے رنگوں میں

عورت کے اندر سے بہتی ہوئی روشنی میں

دمکنے لگی ہے یہ دنیا

وہ بچہ اسے دیکھے جاتا ہے

ہنستے، ہمکتے ہوئے

اس کی جانب لپکنے کو تیار

عورت بھی کچھ

زیر لب گنگنانے لگی ہے

لجاتے ہوئے

کسی سر خوشی میں

بڑھاتا ہے وہ ہاتھ اپنے

تو بچہ اچانک پلٹتا ہے

اور ماں کے سینے میں چھپتا ہے

عورت سڑک پار کرتی ہے

تیزی سے، گھبرا کے

چلتی چلی جا رہی ہے

ادھر کوئی دیوار گرتی ہے

شاعر کے دل میں

وہیں بیٹھ جاتا ہے

اور جوڑتا ہے یہ منظر

اندھیرے سے بھرتی ہوئی آنکھ میں!

٭٭٭

دریچے سے لگی آنکھیں، پلٹتی ہیں

پلٹ کر لوٹ آتی ہیں

رسوئی میں اندھیرا ہے

کوئی برتن کہیں بجتا نہیں … مزید پڑھیے