Category: تحقیق و تنقید۔ برقی

ایک تحقیقی مقالہ

عربی زبان میں خود نوشت سوانح نگاری کا ارتقا

محقق

ڈاکٹر صفدر سلطان اصلاحی

جمع و ترتیب: اعجاز عبید

ڈاؤن لوڈ کریں

پی ڈی ایف فائل

ورڈ فائل

ٹیکسٹ فائل

ای پب فائل

مکمل کتاب پڑھیں…..

عربی زبان میں خود نوشت سوانح نگاری کا ارتقاء

ڈاکٹر صفدر سلطان اصلاحی

جمع و ترتیب: اعجاز عبید

تعارف

       انسان اپنی جبلّت اور فطرت کی بنیاد پر ہر دور اور ہر زمانے میں زیادہ سے زیادہ علم و معرفت کے حصول کے لیے سرگرداں رہا ہے۔ اس کی سعی و جہد کی جہات ہمیشہ سے مختلف اور متنوع رہی ہیں۔ وہ خارجی اور ذاتی ذرائع کو استعمال کر کے کائنات کے رازہائے سربستہ کی تلاش و جستجو میں منہمک رہا ہے۔ ظاہر ہے، انسان جو اس قدر اپنے گرد و پیش سے دل چسپی رکھتا ہو، اپنی ذات سے کبھی غفلت نہیں برت سکتا تھا۔ اس کی ذات خود ایک جہان ہے اور یہاں صرف اس کی رسائی ہو سکتی ہے۔ وہ جہاں ایک طرف اپنی ذات کو سمجھنے کی کوشش کرتا ہے وہیں دوسری طرف اپنے احساسات و تأثرات سے دوسروں کو بھی آگاہ کرتا ہے۔ اپنی ذات سے … مزید پڑھیے

ایک عمدہ تنقیدی کتاب

اُسلوب

مصنف

سید عابد علی عابدؔ

پیشکش

وصی اللہ کھوکھر، اعجاز عبید

ڈاؤن لوڈ کریں

پی ڈی ایف فائل

ورڈ فائل

ٹیکسٹ فائل

ای پب فائل

کتاب کا اقتباس پڑھیں…..

اسلوب

سید عابد علی عابدؔ

پیشکش: وصی اللہ کھوکھر، اعجاز عبید

باب: اوّل

فنونِ لطیفہ

فن

ایک دانشور کا قول ہے کہ کائنات میں انسان تین چیزوں سے آشنا ہے: خدا، فطرت اور خود انسان کی اپنی ذات۔ بظاہر تو یوں معلوم ہوتا ہے کہ انسانی معلومات کے دائرے کو بہت محدود کر دیا گیا ہے لیکن غور کرنے سے معلوم ہو گا کہ کہنے والے نے جو کچھ کہا تھا، بہت سوچ کر کہا تھا۔ بعض اَخلاقی اور عرفانی مسالک سے قطع نظر خدا کا تصور (کسی حیثیت ہی سے سہی) انسانیت سے عام ہے۔ اثباتِ ذاتِ خداوندی پر جتنی دلیلیں آپ دے سکتے ہیں، ان کو باطل کر دیا جائے تو بھی انسان کا ذہن عموماً اس بات سے اجتناب کرتا ہے کہ وہ خدایا خالقِ کائنات پر اور اس کی ذات و صفات پر اعتقاد نہ رکھے۔

کانٹ نے انتقادِ عقل محض میں یہ دعویٰ کیا کہ عقل محض کا مطلب وہ علم نہیں جو حواس … مزید پڑھیے

احمد رشید کے افسانوں پر تنقیدی نظریں

جہان معنی کا طلسم… احمد رشید کے افسانے

مرتبہ

اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…. مکمل کتاب پڑھیں

جہان معانی کا طلسم

احمد رشید  کے افسانے

مرتبہ: اعجاز عبید

فلسفۂ زیست کی کہانیاں /علی احمد فاطمی

کہانی کا فن اگر چہ کہنے سننے کا فن ہے جسے عام طور پر تفریحِ طبع کی حد تک محدود کیا جاتا رہا ہے۔ اس خیال کو لے کر آج بھی بزرگوں کی آراء میں تبدیلی نہیں آئی ہے۔ وہ ادب کا مطلب شاعری اور شاعری کا مطلب غزل گوئی سے ہی لیتے ہیں۔ ادب اور تفریح کے اس تصور نے بھی خاص گمراہیاں پھیلائی ہیں لیکن یہ بھی سچ ہے کہ بڑے سے بڑے کہانی کار نے سنجیدہ سے سنجیدہ موضوع کے ساتھ دلکشی و دلچسپی کے عناصر قائم رکھے ہیں کہ کہانی کی پہلی شرط اس کا کہانی پن ہے جس میں پڑھائے جانے والی کیفیت کا ہونا نا گزیر ہے اور کوئی کہانی جس میں دلچسپی ہو اور سنجیدگی نہ ہو ایسا بھی ضروری نہیں لیکن ان سب کا انحصار اس پر کرتے ہیں … مزید پڑھیے

اردو محفل کی پیشکش، ادب عالیہ کا نمونہ

ان شاعرات کا تذکرہ جو فارسی میں شعر کہتی تھیں

تذکرۃ الخواتین

حصہ دوم (فارسی)

از قلم

عبد الباری آسیؔ

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…..کتاب کا نمونہ پڑھیں

تذکرۂ خواتین

حصہ دوم

یعنی ان عورتوں کا کلام جو فارسی میں شعر کہتی تھیں

مصور درد مولانا

عبد الباری آسیؔ

الدنی

ردیف الف

آرامؔ

کسی بادشاہ ہندوستان کے محلات میں سے تھیں۔  مگر گردش زمانہ کو دیکھیے اتنا مٹا دیا کہ آج یہ بھی پتا نہیں چلتا کہ وہ کون سا ذی جاہ تھا جس کے شبستان اقبال میں دل آرام جو اس نازک خیال کا نام ہے، جلوہ افروز تھی۔  بعض کا قیاس ہے کہ رنگیلے مزاج بادشاہ نورالدین جہانگیر کی حرم محترم تھیں۔  مگر یہ بات پایۂ تحقیق کو نہیں پہنچتی۔  خدا بہتر جاننے والا ہے۔  آج ہمارے سامنے صرف یہ چند شعر موجود ہیں جو نقل کئے جاتے ہیں۔

محو از دل خود ساز ہمہ نقش عدم را
منزل گہ اغیار مکن فرش حرم را
سرمایۂ عقبیٰ بکف آور کہ مبادا
تقدیر کشد بر سر تو تیغ دودم را
بآہ و نالہ کردم صید خود وحشی … مزید پڑھیے

مشہور ناقد اور ان کے گھر کے بارے میں ان کے مشہور صاحبزادے کے دو مضامین

سید مسعود حسن رضوی ادیبؔ

از قلم

نیر مسعود

مرتبہ

اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…. مکمل کتاب پڑھیں

سید مسعود حسن رضوی ادیبؔ

نیر مسعود

مرتبہ: اعجاز عبید

سید مسعود حسن رضوی ادیب کی ادبی زندگی

میرے سامنے ایک چھوٹی سی قلمی کتاب ہے جس کے سرورق کی عبارت یہ ہے :

۷۸۶

اشعار برائے بیت بازی

محمد مسعود طالب علم درجہ پنجم مڈل اسکول اوناؤ

۱۵ جنوری ۱۹۰۷ء

 روز سہ شنبہ

اس کتاب میں پ سے ذ تک گیارہ حروفِ تہجی سے شروع ہونے والے اشعار درج ہیں۔ جن شاعروں کے یہ شعر ہیں ان میں میر، نظیر، دیا شنکر نسیم، ذوق، غالب، انیس وغیرہ کے علاوہ متعدد نامعلوم شاعر بھی شامل ہیں۔ سعدی کا ایک فارسی شعر بھی ہے۔ یہ کتاب بیت بازی کے لیے مفید شعروں کا ایک دل چسپ مجموعہ ہے۔ لیکن اس کی اصل اہمیت یہ ہے کہ یہ پروفیسر سید مسعود حسن رضوی ادیب (پ ۲۹ جولائی ۱۸۹۳) کی پہلی تالیف ہے … مزید پڑھیے

نثر پر ادبی مضامین وغیرہ کا مجموعہ

فکر و خیال

از قلم

رشید سندیلوی

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…. مکمل کتاب پڑھیں

فکر و خیال

نثر پر مضامین، تبصرے، خاکے

رشید سندیلوی

کتاب۔۔  ’اردو کا ادراکی تنقیدی دبستان‘، مصنف۔  فرحت عباس شاہ

فرحت عباس شاہ کی کتاب ’اردو کا ادراکی تنقیدی دبستان‘ اردو تنقید کی دنیا میں ایک اہم اور منفرد کارنامہ ہے۔  یہ کتاب اردو تنقید میں موجود روایتی یکسانیت، بوریت اور تنقید کے فرسودہ انداز سے آگے بڑھتے ہوئے ایک نیا اور عمدہ تنقیدی نظریہ پیش کرتی ہے۔

اردو تنقید کا میدان ہمیشہ سے ہی مغربی نظریات اور طریقوں کی تقلید کرتا رہا ہے۔  مولانا حالی سے لے کر موجودہ دور تک، اردو تنقید میں کوئی خاطرخواہ نیا پن یا جدت نہیں دکھائی دی۔  مختلف مغربی نظریات جیسے ساختیات، پس ساختیات، جدیدیت اور ما بعد جدیدیت وغیرہ کو اپنانے کے باوجود، اردو ادب میں ان نظریات کا عملی اور حقیقی اثر کم ہی نظر آتا ہے۔

’اردو کا ادراکی تنقیدی دبستان‘ ان مسائل کو مد نظر رکھتے ہوئے تنقید کا ایک نیا زاویہ پیش کرتی ہے۔  فرحت … مزید پڑھیے

شاعری پر مضامین، تبصرے اور تجزیوں کا مجموعہ

نقطۂ نظر

از قلم

رشید سندیلوی

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…. مکمل کتاب پڑھیں

نقطۂ نظر

شاعری پر ادبی مضامین  اور تبصرے

رشید سندیلوی

کچھ اپنے بارے میں

میرا نام رشید احمد اور قلمی نام رشید سندیلوی ہے میں یکم جنوری 1959  کو ضلع ٹوبہ ٹیک سنگھ کے قصبہ سندیلیانوالی میں پیدا ہوا۔ میرے والدِ گرامی جناب غلام غوث غم ایک صوفی منش اردو پنجابی کے شاعر تھے ان کی ابتدائی تربیت اپنے والد محترم محمد عبداللہ جو تحصیلدار تھے، کی وفات کے بعد اپنے چچا محترم جناب حضرت غلام محمد المعروف امام جلوی/جلوآنوی کے زیر سایہ ہوئی۔ میں نے میٹرک 1974  میں ڈی سی ہائی سکول سندیلیانوالی سے کیا 1977  میں انٹر کی تعلیم گورنمنٹ ڈگری کالج فرید آباد چک نمبر 333  گ ب سے حاصل کی۔  بی-اے 1981  اور اردو میں ایم-اے 1983 میں پنجاب یونیورسٹی سے پاس کیا۔ ملازمت کا آغاز 31  مئی 1979  سے ایجوکیشن بورڈ راولپنڈی سے ہوا۔  بعد ازاں 20 اپریل 1982  میں اے جی پی آر آفس اسلام آباد میں بحیثیت سینئر آڈیٹر تعیناتی … مزید پڑھیے

ایک کلاسیکی کتاب جسے اردو کی پہلی تنقیدی کتاب کہا جاتا ہے

مقدمہ شعر و شاعری

از

الطاف حسین حالیؔ

مرتبہ: اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…. مکمل کتاب پڑھیں

مقدمہ شعر و شاعری

الطاف حسین حالی

جمع و ترتیب: اعجاز عبید

انتساب ٭

اردو محفل کے مرحوم اراکین

محمد شمشاد خان

اور

محمد وارث

کی اردو خدمات کے نام

مدتوں رویا کریں گے جام و پیمانہ مجھے

____________________________________

(اس برقی نسخے کا)

تمہید

حکیم علی الاطلاق نے اس ویرانۂ آباد نما یعنی کارخانۂ دنیا کی رونق اور انتظام کے لیے انسان کے مختلف گروہوں میں مختلف قابلیتیں پیدا کی ہیں تا کہ سب گروہ اپنے اپنے مذاق اور استعداد کے موافق جدا جدا کاموں میں مصروف رہیں۔ اور ایک دوسرے کی کوشش سے سب کی ضرورتیں رفع ہوں اور کسی کا کام اٹکا نہ رہے۔ اگرچہ ان میں بعض جماعتوں کے کام ایسے بھی ہیں جو سوسائٹی کے حق میں چنداں سودمند معلوم نہیں ہوتے۔ مگر چونکہ قسامِ ازل سے ان کو یہی حصہ پہنچا ہے اس لیے وہ اپنی قسمت پر قانع اور اپنی کوششوں میں سرگرم ہیں۔ جو کام ان کی کوششوں سے سرانجام ہوتا ہے … مزید پڑھیے

دو اولین جدید شاعروں کے درمیان تعلقات کی داستان

ابن انشا اور خلیل الرحمٰن اعظمی

مرتبہ

اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل

…. مکمل کتاب پڑھیں

ابنِ انشاء اور خلیل الرحمٰن اعظمی

ابنِ انشاء، خلیل الرحمٰن اعظمی

مرتبہ: اعجاز عبید

حرف اول

۲۰۰۷ء میں راقم الحروف نے اس مرتبہ کتاب کا پہلا ایڈیشن برقی طور پر ’’اردو کی برقی کتابیں‘‘ ویب گاہ پر شائع کیا تھا۔ اس زمانے میں یونی کوڈ کا چلن اتنا عام نہیں تھا، نہ بیشتر سافٹ وئرس میں اردو کی سپورٹ تھی۔ اس لئے  بہت عرصے سے خیال آ رہا تھا کہ اس کا نیا ایڈیشن شائع کیا جائے۔

اس سلسلے میں پہلے ایڈیشن کی کہانی پھر سنائی جائے تو نا مناسب نہیں ہو گا۔

خلیل صاحب میرے مشفق اور مربی تھے۔ ان سے میرے تعلقات  میری طرف سے حد درجہ تعظیم کے تھے، مگر ان کی طرف سے برادرانہ، کہ وہ کہتے تھے کہ میں انہیں خلیل بھائی کہوں، شاید میرے ’قبلہ‘ کہنے پر انہیں بزرگی کا احساس ہونا گوارا نہ تھا۔ یہ تعلقات  ۱۹۷۵ء تک ہی رہے کہ اس سال میں ملازمت پر کلکتہ  چلا … مزید پڑھیے