اہم

اعجاز عبید ۲۰۰۶ء سے اردو تحریر یعنی یونیکوڈ کو فروغ دینے کی نیت سے اردو کی مفت دینی اور ادبی برقی کتب فراہم کرتے رہے ہیں۔ کچھ ڈومین (250 فری ڈاٹ کام، 4 ٹی ڈاٹ کام ) اب مرحوم ہو چکے، لیکن کتابیں ڈاٹ آئی فاسٹ نیٹ ڈاٹ کام کو مکمل طور پر کتابیں ڈاٹ اردو لائبریری ڈاٹ آرگ پر شفٹ کیا گیا جہاں وہ اب بھی برقرار ہے۔ اس عرصے میں ۲۰۱۳ء میں سیف قاضی نے بزم اردو ڈاٹ نیٹ پورٹل بنایا، اور پھر اپ ڈیٹس اس میں جاری رہیں۔ لیکن کیونکہ وہاں مکمل کتب پوسٹ کی جاتی تھیں، اس لئے ڈاٹا بیس ضخیم ہوتا گیا اور مسائل بڑھتے گئے۔ اب اردو ویب انتظامیہ کی کوششیں کامیاب ہو گئی ہیں اور لائبریری فعال ہو گئی ہے۔ اب دونوں ویب گاہوں کا فارمیٹ یکساں رہے گا، یعنی مکمل کتب، جیسا کہ بزم اردو لائبریری میں پوسٹ کی جاتی تھیں، اب نہیں کی جائیں گی، اور صرف کچھ متن نمونے کے طور پر شامل ہو گا۔ کتابیں دونوں ویب گاہوں پر انہیں تینوں شکلوں میں ڈاؤن لوڈ کے لئے دستیاب کی جائیں گی ۔۔۔ ورڈ (زپ فائل کی صورت)، ای پب اور کنڈل فائلوں کے روپ میں۔

کتابیں مہر نستعلیق فونٹ میں بنائی گئی ہیں، قارئین یہاں سے اسے ڈاؤن لوڈ کر سکتے ہیں:

مہر نستعلیق ویب فونٹ

کاپی رائٹ سے آزاد یا اجازت نامہ کے ساتھ اپنی کتب ان پیج فائل یا یونی کوڈ سادہ ٹیکسٹ فائل /ورڈ فائل کی شکل میں ارسال کی جائیں۔ شکریہ

یہاں کتب ورڈ، ای پب اور کنڈل فائلوں کی شکل میں فراہم کی جاتی ہیں۔ صفحے کا سائز بھی خصوصی طور پر چھوٹا رکھا گیا ہے تاکہ اگر قارئین پرنٹ بھی کرنا چاہیں تو صفحات کو پورٹریٹ موڈ میں کتاب کے دو صفحات ایک ہی کاغذ کے صفحے پر پرنٹ کر سکیں۔

خاکِ دل ۔۔۔ اصغر وجاہت/ اعجاز عبید

ہندی ناول ’من ماٹی‘ کا اعجاز عبید کا تشکیل کردہ اردو روپ

خاکِ دل

مصنف

اصغر وجاہت

رسم الخط کی تبدیلی/ ترجمہ

اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…. مکمل کتاب پڑھیں

خاکِ دل

اصغر وجاہت

اصل ہندی ناول ’मनमाटी‘ کا ترجمہ/رسم الخط کی تبدیلی: اعجاز عبید

پتے کی بات سیدھی سچی ہوتی ہے۔ اسے بتانے کے لیے نہ تو زیادہ ہوشیاری کی ضرورت پڑتی ہے اور نہ سو طرح کے پاپڑ بیلنے پڑتے ہیں۔ سیدھی سچی بات دل کو لگتی ہے اور اپنا اثر کرتی ہے۔ میں یہاں ان اوراق میں آپ کے سامنے کچھ سچی باتیں رکھنے جا رہا ہوں۔ یہ باتیں گڑھی ہوئی نہیں ہیں، آپ کی اور ہماری دنیا میں ایسا ہوا ہے، ہو رہا ہے اور ہوتا رہیے گا۔ کچھ آپ بیتی ہے اور کچھ جگ بیتی ہے۔
ایک وقت کی بات ہے۔ کلکتہ کے پارک سٹریٹ علاقے میں ایک پادری سفید لمبا کوٹ پہنے، ٹوپی لگائے، ہاتھ میں پاک کتاب لئے جوشیلی آواز میں کچھ کہہ رہا تھا۔ لوگ اسے گھیرے کھڑے تھے۔ سن رہے تھے۔
اکرم کو کلکتہ آئے تین چار دن ہی ہوئے تھے۔ اس کے بڑے بھائی … مزید پڑھیے

سہ ماہی سَمت شمارہ ۶۱، جنوری تا مارچ ۲۰۲۴ء ۔۔۔ مدیر اعجاز عبید

اردو کا پہلا آن لائن سہ ماہی جریدہ

سَمت

مدیر

اعجاز عبید

شمارہ ۶۱، جنوری تا مارچ ۲۰۲۴ء

اداریہ

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل
…..کتاب کا نمونہ پڑھیں

اداریہ

مجھے کہنا ہے کچھ …….

نئے سال کے نئے شمارے کے ساتھ حاضر ہوں۔ مگر کس دل سے نئے سال کی آمد پر خوشیاں منائی جائیں جب کہ غاصب اسرائیل کی جانب سے مسلسل معصوم فلسطینیوں پر ظلم و ستم ڈھائے جا رہے ہیں۔ پچھلے شمارے کا یکم اکتوبر کو اجراء ہونے کے بعد اگلے ہی ہفتے اسرائیل کے حملے شروع ہو گئے، نام نہاد طوفان اقصیٰ کے خلاف۔ جو مسلسل جاری ہیں۔ خدا کرے کہ نئے سال میں اس پر روک لگ جائے۔ خواہش تو یہی ہے کہ فلسطینیوں کو اپنی زمین واپس مل جائے، لیکن کم از کم یہ دعا تو فوری قبولیت پا سکتی ہے کہ ان پر مظالم کا خاتمہ ہو جائے۔

بہر حال زیرِ نظر شمارے میں ایک خصوصی گوشہ فلسطین کے موضوع پر شامل کیا جا رہا ہے۔

ایک بات یہ بھی کہنی ضروری ہے کہ اس بار کچھ تخلیقات ایسی ہیں جو ایک سے زائد زمروں میں شامل کی جا سکتی ہیں۔ مثلاً … مزید پڑھیے

مقصود کائنات ۔۔۔ حافظ محمد ایوب دہلوی

اہم موضوع کے دینی مضامین کا مجموعہ

مقصود کائنات

از قلم

حافظ محمد ایوب دہلوی

ڈاؤن لوڈ کریں

….. مکمل کتاب پڑھیں

ڈاکٹر اشتیاق حسین قریشی

سابق وائس چانسلر کراچی یونیورسٹی

زیبا منظر 1، شرف آباد 5، شہیدِ ملت روڈ کراچی

علامہ حافظ محمد ایوب صاحب مرحوم و مغفور کی خدمت میں جن اہل علم کو حاضری کا موقع ملتا تھا، وہ ان کے تبحرِ علمی کے گرویدہ ہو جاتے تھے۔ اس کا سبب یہ تھا کہ علامہ موصوف کو علوم معقول و منقول میں حیرت انگیز دستگاہ تھی، اس زمانے میں ایسے علماء جو علم الکلام میں اس درجہ امتیازی قابلیت کے حامل ہوں نظر نہیں آتے۔ منطق و فلسفہ اور قرآن و حدیث کے علوم کا ایسا امتزاج دوسروں کی تصانیف میں مشکل سے ملتا ہے، اس پر مستزادیہ کہ مولانا کا علم اس قدر حاضر تھا کہ ان کی تقریر معانی و معارف سے لبریز ہوتی تھی، وہ بے تکان مسلسل ایسی علمی تقریر کرتے تھے کہ دوسروں کو غرق ریزی اور مطالعے کے بعد بھی تحریر تک میں وہ بات پیدا کرنی دشوار ہوتی تھی۔ ان کے برجستہ ارشادات نکات و حقائق کا … مزید پڑھیے

فتنہ انکارِ حدیث ۔۔۔ حافظ محمد ایوب دہلوی

تقریر سے تحریر میں تبدیلی کی گئی کتاب

فتنہ انکارِ حدیث

از قلم

حافظ محمد ایوب دہلوی

ڈاؤن لوڈ کریں

…..کتاب کا نمونہ پڑھیں

ظن شرعاً حجت ہے یا نہیں؟

پہلا سوال: کیا ظن شرعاً حجت ہے یا نہیں؟
جواب: ظن شرعاً بھی حجت ہے اور عقلاً بھی حجت ہے۔ ظن کے حجت ہونے کے یہ معنی ہے کہ ظن عمل کو واجب کر دیتا ہے، یعنی ظن موجبِ عمل ہے موجبِ ایمان نہیں ہے۔
ظن کے معنی: ۔ پہلے ظن کے معنی سمجھ لینے چاہییں۔ جب حکایت ذہن میں آتی ہے تو اس کی دو حالتیں ہوتی ہیں؛ ذہن اس کے صدق و کذب کی طرف ملتفت ہوتا ہے یا نہیں ہوتا؛ اگر حکایت کے ذہن میں آنے کے بعد ذہن اس کے صدق و کذب کی طرف ملتفت نہیں ہوا، تو اس کو ’تخییل‘ کہتے ہیں۔ اگر ملتفت ہوا، تو کسی ایک طرف یعنی فقط صدق یا فقط کذب کی طرف ملتفت ہوا یا دونوں کی طرف ملتفت ہوا؛ اگر فقط ایک طرف التفات ہوا، تو یک طرفہ التفات ’جزم یا قطع‘ کہلاتا ہے۔
اور اس کی تین صورتیں ہیں؛ اور وہ یہ ہیں کہ … مزید پڑھیے

مولانا محمد ایوب دہلوی ۔۔۔ پیشکش: حفیظ الرحمٰن

ایک عالمِ دین کے کوائف پر مبنی کتاب

مولانا محمد ایوب دہلوی

پیشکش

حفیظ الرحمٰن

ڈاؤن لوڈ کریں

…..کتاب کا نمونہ پڑھیں

سوانح مولانا محمد ایوب دہلوی

https://www.scholars.pk/ur/scholar/hazrat-allama-hafiz-muhammad-ayub-dehlvi

رئیس المتکلمین علامہ حافظ محمد ایوب دہلوی بن عبد الرحمٰن، محلہ کوچہ قابل عطار، دہلی (بھارت) میں 1888ء کو تولد ہوئے۔ شیخ عبد الرحمٰن دہلی میں تجارت کرتے تھے۔

تعلیم و تربیت: ابتدائی تعلم اپنے گھر سے حاصل کی، اس کے بعد قرآن حکیم کی لازوال دولت سے سرفراز ہوئے۔ بعد ازاں وقت کے مشاہیرِ علماء سے شرف تلمیذ حاصل کیا، اس کی تفصیل معلوم نہیں ہو سکی۔ البتہ ملا واحدی کی خوش نوش کتاب ’دلی جو ایک شہر تھا‘ سے معلوم ہوا کہ انہوں نے عظیم ریاضی دان علامہ مولانا محمد اسحاق رامپوری سے بھی استفادہ کیا تھا۔ بہت حال مختلف علمائے کرام سے درسِ نظامی کر کے فارغ التحصیل ہوئے۔ علامہ موصوف کتاب و سنت کے ساتھ منطق و فلسفہ میں کمال درجے کے عالم و فاضل تھے۔ صاحب تصنیف قادرُ الکلام خطیب اور متوکل صوفی تھے۔ بلا کے ذہین، فطین، طبع اخذ اور مزاج نقاد تھا۔

بیعت: آپ فرماتے تھے کہ ’میں نے حضرت … مزید پڑھیے

سید نصیر حسین خاں خیال ۔۔۔ ارشد مسعود ہاشمی

ایک نابغۂ روزگار کی سوانح اور فکر و فن کی تفصیل

سید نصیر حسین خاں خیال

از قلم

ارشد مسعود ہاشمی

ڈاؤن لوڈ کریں

…..کتاب کا نمونہ پڑھیں

خیال کا عظیم آباد

کسی زمانے میں دولت مآب تھا پٹنہ پسند خاطر ہر شیخ و شاب تھا پٹنہ فلک شکوہ ثریا جناب تھا پٹنہ نجوم شہر تھے سب آفتاب تھا پٹنہ جہاں میں عزت و شوکت کی اس سے تھی بنیاد عظیم آباد تھا اک وقت میں عظیم آباد

(’’یاد عظیم آباد‘‘، سید علی محمد شاد عظیم آبادی)

خیال کے نام کے ساتھ رسائل میں عموماً عظیم آبادی لکھا ملتا ہے۔ حالانکہ ان کی تمام تر اہم سرگرمیوں میں کلکتہ میں قیام کو مرکزی حیثیت رہی ہے، مجھے حاصل شدہ سرمایوں میں ان کے نام کے ساتھ کہیں بھی کلکتوی لکھا نظر نہیں آیا۔ اس سے ظاہر ہے کہ خیال ہندوستان میں جہاں بھی رہے، اپنی عظیم آبادی شناخت کو انھوں نے قائم رکھا۔ یوں بھی ان کے مکتوبات اور مضامین سے علم ہوتا ہے کہ وہ اپنی گفتگو اور تحریر و تقریر کے دوران علاقائی تشخص کا اظہار اہم تصور کرتے تھے۔ منشا یہ ہوتی تھی کہ … مزید پڑھیے

تفسیر تیسیر القرآن، جلد اول، فاتحہ تا نساء ۔۔۔ مولانا عبدالرحمٰن کیلانی، جمع و ترتیب: اعجاز عبید

اعجاز عبید کی جمع و ترتیب کردہ ایک اور قرآنی تفسیر

تفسیر تیسیر القرآن

جلد اول، فاتحہ تا نساء

از قلم

مولانا عبدالرحمٰن کیلانی

ڈاؤن لوڈ کریں

کتاب کا نمونہ پڑھیں …..

۱۔ سورۃ الفاتحۃ

بِسْمِ اللّٰہِ الرَّحْمٰنِ الرَّحِیْمِ[۱]

شروع اللہ کے نام سے جو بڑا مہربان نہایت رحم کرنے والا ہے

تلاوت سے پہلے تعوذ کا حکم

قرآن کریم کی تلاوت شروع کرنے سے پہلے

﴿اَعوذ باللّٰہ من الشیطٰن الرّجیم﴾

ضرور پڑھ لینا چاہیے۔ کیونکہ اللہ نے فرمایا ہے آیت

﴿فَاِذَا قَرَاْتَ الْقُرْاٰنَ فَاسْتَعِذْ باللّٰہِ مِنَ الشَّیْطٰنِ الرَّجِیْمِ﴾

(۱۶: ۹۸) ’’جب آپ قرآن پڑھنے لگیں تو شیطان مردود سے اللہ کی پناہ طلب کیجئے‘‘ اور یہ تو ظاہر ہے کہ پناہ کسی نقصان پہچانے والی چیز یا دشمن سے درکار ہوتی ہے اور ایسی ہستی سے پناہ طلب کی جاتی ہے جو اس نقصان پہچانے والے دشمن سے زیادہ طاقتور ہو۔ شیطان چونکہ غیر محسوس طور پر انسان کی فکر پر اثر انداز ہوتا ہے۔ لہٰذا یہ دعا در اصل قرآن کی تلاوت کے دوران کج فکری سے بچنے اور قرآن سے ہدایت حاصل کرنے کی دعا ہے۔ نیز یہ وہ دعا ہے جو اللہ تعالیٰ … مزید پڑھیے

تم خاموش نہیں رہنا ۔۔۔ زین شکیل، جمع و ترتیب: اعجاز عبید

زین شکیل کا ایک اور شعری مجموعہ، ایک مکمل طویل آزاد غزل

تم خاموش نہیں رہنا

از قلم

زین شکیل

جمع و ترتیب: اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…. مکمل کتاب پڑھیں

تم خاموش نہیں رہنا

زین شکیل

جمع و ترتیب: اعجاز عبید

انتساب

استاد محترم فرحت عباس شاہ کے نام

اک دن وہ مجھ سے یہ بولی آؤ باتیں کرتے ہیں
میں اُس کی باتوں میں آ کر باتیں کرنے لگتا ہوں

وہ یہ بولی میں نے چاند خفا دیکھا ہے خوابوں میں
میں یہ بولا کچھ تعبیریں اکثر الٹی ہوتی ہیں

وہ کہتی ہے مجھ کو چاند کے بارے میں کچھ بتلاؤ
میں کہتا ہوں، آوارہ ہے، تنہا ہے، ہرجائی ہے

وہ کہتی ہے چاند مرے آنگن میں اترا کرتا ہے
میں کہتا ہوں تم بھی دیوانوں سی باتیں کرتی ہو

وہ کہتی ہے وقت سے آگے جانا بہت ضروری ہے
میں کہتا ہوں ہاں ! پر دیکھو، یہ تو اک مجبوری ہے

وہ کہتی ہے کیا، نیندوں کی بربادی کا باعث ہے ؟
میں کہتا ہوں پاگل لڑکی اتنا زیادہ مت سوچو

وہ کہتی ہے میں نے … مزید پڑھیے

پروفیسر عطا الرحمٰن میو کی کتاب ’’انیسویں صدی میں پنجاب کی انجمنوں کی اردو خدمات‘‘ ۔۔۔ ڈاکٹر غلام شبیر رانا

ایک اور تنقیدی اور تبصراتی کتاب

پروفیسر عطا الرحمٰن میو کی کتاب ’’انیسویں صدی میں پنجاب کی انجمنوں کی اردو خدمات‘‘

از قلم

ڈاکٹر غلام شبیر رانا

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…. مکمل کتاب پڑھیں

پروفیسر عطا الرحمٰن میو کی کتاب ’’انیسویں صدی میں پنجاب کی انجمنوں کی اردو خدمات‘‘

ڈاکٹر غلام شبیر رانا

پروفیسر ڈاکٹر عطا الرحمٰن میو کا تعلق بلھے شاہ کی دھرتی قصور سے ہے مگر کچھ عرصے سے انھوں نے قصور شہر کو چھوڑ کر داتا گنج بخش کی نگری میں ڈیرے ڈال رکھے ہیں۔ قدرتِ کاملہ نے انھیں جس ذوق سلیم سے متمتع کیا ہے اس کا ثبوت یہ ہے کہ وہ اپنی ذات میں ایک انجمن، دائرۃ المعارف اور دبستان علم و ادب ہیں۔ خلوت میں بھی انجمن خیال سجانا اور ہجر میں بھی وصل کی نشاط حاصل کر کے وادیِ خیال میں مستانہ وار گھومنا اس زیرک، فعال اور مستعد نقاد و محقق کا شیوہ ہے۔ ایم۔ فل کی سندی تحقیق کے لیے پروفیسر ڈاکٹر عطا الرحمٰن میو کے تحقیقی مقالے ’’انجمن مفید عام قصور کی علمی و ادبی خدمات‘‘ کو مقاصد کی رفعت کے اعتبار سے … مزید پڑھیے

مچھلی مچھلی کتنا پانی ۔۔۔ فہمیؔ بدایونی، جمع و ترتیب: اعجاز عبید

اعجاز عبید کا جمع و ترتریب دیا گیا ایک اور برقی شعری مجموعہ

مچھلی مچھلی کتنا پانی

شاعر

فہمیؔ بدایونی

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

…. مکمل کتاب پڑھیں

مچھلی مچھلی کتنا پانی

فہمیؔ بدایونی

غزلیں

جمع و ترتیب: اعجاز عبید

محبت درد ہجراں کے بغیر
حرم جیسے مسلماں کے بغیر

شب فرقت مچایا خوب شور
بہاروں نے گلستاں کے بغیر

بڑی خوبی سے کی نقاد نے
تجارت ساز و ساماں کے بغیر

ہماری تو گزر ہوگی نہیں
ترے دشوار و آساں کے بغیر

ادھوری ہے لباسوں کی دکاں
مرے تار گریباں کے بغیر
٭٭٭

دیر سے اپنے اپنے گھیرے میں
لوگ بیٹھے ہوئے ہیں رستے میں

ایک گاہک تھا وہ بھی چھوڑ گیا
اب رکھیں گے دکان اکیلے میں

میں نے پنجرا تو توڑ ڈالا مگر
فاختہ آ گئی لپیٹے میں

بین بجتے ہی ایک اور ناگن
ناچنے لگتی ہے سپیرے میں

اس کے قدموں میں ڈال پہلا پھول
جس نے مٹّی بھری تھی گملے میں

گھر میں اک آئنہ بھی ہوتا تھا
بس وہی ڈھونڈنا تھا ملبے میں

بچّے بچے کو کر رہا ہوں سلام
اس کے کوچے کے پہلے پھیرے … مزید پڑھیے