تفسیر الکتاب میں شامل قرآنی ترجمہ

ترجمہ الکتاب

از قلم

ڈاکٹر محمد عثمان

جمع و ترتیب: اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

کتاب کا نمونہ پڑھیں …….

ترجمہ الکتاب

(تفسیر الکتاب میں شامل ترجمہ قرآن)

ڈاکٹر محمد عثمان

جمع و ترتیب: اعجاز عبید

سورۃ ۲: البقرۃ

شروع اللہ کا نام لے کر جو بڑا مہربان نہایت رحم والا ہے

الف۔ لام۔ میم۔ یہ وہ کتاب ہے جس (کے کلام الٰہی ہونے) میں کچھ بھی شک نہیں۔ ہدایت ہے متقی انسانوں کے لئے جو غیب پر ایمان لاتے ہیں، نماز قائم کرتے ہیں اور جو کچھ ہم نے ان کو دے رکھا ہے اس میں سے (اللہ کی راہ میں بھی) خرچ کرتے ہیں۔ اور (اے پیغمبر) جو (کتاب) تم پر اتری اور جو (کتابیں) تم سے پہلے اتریں ان (سب) پر ایمان لاتے ہیں اور آخرت کا بھی یقین رکھتے ہیں۔ یہی لوگ اپنے رب کی طرف سے ہدایت پر ہیں اور یہی (آخرت میں) فلاح پانے والے ہیں۔ جن لوگوں نے (ان باتوں کو ماننے سے) انکار کیا ان کے حق میں یکساں ہے کہ تم ان کو (انکار حق کے نتائج سے) ڈراؤ یا نہ ڈراؤ … مزید پڑھیے

افسانوی مجموعہ

خوابوں کا ڈورا

از قلم

شائستہ مفتی

جمع و ترتیب: اعجاز عبید

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

مکمل کتاب پڑھیں …..

خوابوں کا ڈورا

شازیہ مفتی

جمع و ترتیب: اعجاز عبید

مصلحت

کل صبا ملی، بہت اصرار کر کے اپنے گھر لے گئی۔ میری سہیلی بچپن کی ہمجولی جو کبھی بہت خوش قسمت لگتی تھی اور پھر وہی قسمت اسے دھوکا دے گئی تھی۔ لیکن قسمت کا کیا ہے پھر دوست ہو جائے گی موسموں کی طرح یا شاید سمندر کی موجوں کی طرح۔

چائے بناتے بناتے کہنے لگی۔

بہت دن ہوئے ایک دفتر میں گئی وہاں شہریار ڈپٹی کمشنر کی کرسی پر براجمان تھا۔  شاید اپنے کمرے کے کسی چور کیمرے سے اس نے باہر بیٹھے بدحال سائلین میں مجھے دیکھا اور پہچان گیا۔  ایک سرکاری اہلکار نے مجھے ایک چٹ دی جس پر لکھا تھا۔

’’دفتر میں تشریف لے آئیے‘‘

سرکاری اہلکار کے پیچھے پیچھے فائل سینے سے لگائے اپنے پیروں پر نظر جمائے دفتر میں داخل ہوئی۔  لمبی چوڑی میز کے دوسرے سرے پر سائے کی طرح وہ کھڑا تھا اور میں شاندار کمرے کی خنکی میں سر سے پاوں تک پسینے سے بھیگی … مزید پڑھیے

مشہور زمانہ قرآن کی تفسیر

ترجمان القرآن

از قلم

مولانا ابو الکلام آزادؔ

حصہ اول

(سورۃ الفاتحہ اور سورۃ البقرۃ)

جمع و ترتیب: اعجاز عبید

ڈاؤن لوڈ کریں

ورڈ فائل
پی ڈی ایف فائل
ٹیکسٹ فائل
ای پب فائل
کنڈل فائل

کتاب کا نمونہ پڑھیں ……

ترجمان القرآن

حصہ اول: فاتحہ (ام الکتاب) اور سورۃ البقرہ

مولانا ابو الکلام آزادؔ

جمع و ترتیب: اعجاز عبید

۲۔ سورۃ البقرۃ

بِسْمِ اللّٰهِ الرَّحْمٰنِ الرَّحِیْمِ

الٓمّٓۚ۝۱ ذٰلِكَ الْكِتٰبُ لَا رَیْبَ ۛۖۚ فِیْهِ ۛۚ هُدًی لِّلْمُتَّقِیْنَۙ۝۲ الَّذِیْنَ یُؤْمِنُوْنَ بِالْغَیْبِ وَ یُقِیْمُوْنَ الصَّلٰوةَ وَ مِمَّا رَزَقْنٰهُمْ یُنْفِقُوْنَۙ۝۳ وَ الَّذِیْنَ یُؤْمِنُوْنَ بِمَاۤ اُنْزِلَ اِلَیْكَ وَ مَاۤ اُنْزِلَ مِنْ قَبْلِكَ ۚ وَ بِالْاٰخِرَةِ هُمْ یُوْقِنُوْنَؕ۝۴ اُولٰٓىِٕكَ عَلٰی هُدًی مِّنْ رَّبِّهِمْ ۗ وَ اُولٰٓىِٕكَ هُمُ الْمُفْلِحُوْنَ۝۵ اِنَّ الَّذِیْنَ كَفَرُوْا سَوَآءٌ عَلَیْهِمْ ءَاَنْذَرْتَهُمْ اَمْ لَمْ تُنْذِرْهُمْ لَا یُؤْمِنُوْنَ۝۶ خَتَمَ اللّٰهُ عَلٰی قُلُوْبِهِمْ وَ عَلٰی سَمْعِهِمْ ؕ وَ عَلٰۤی اَبْصَارِهِمْ غِشَاوَةٌ ؗ وَّ لَهُمْ عَذَابٌ عَظِیْمٌ۠۝۷

۱      الف۔  لام۔  میم۔

۲      یہ الکتاب ہے۔  اس میں کوئی شبہ نہیں۔  متقی انسانوں پر (سعادت کی) راہ کھولنے والی

۱۔ یہ کتاب متقی انسانوں پر فلاح و سعادت کی راہ کھولنے والی ہے۔  متقین، قبولیت حق کے لحاظ سے انسانوں کی پہلی قسم

۳      (متقی انسان وہ ہیں) جو غیب (کی حقیقتوں)

… مزید پڑھیے

اے سین پوئی کے انگریزی ترجمے سے تدوین کی گئی کتاب

میرے بھی ہیں کچھ خواب

از قلم

ن م راشد

جمع و ترتیب: اے سین پوئی

(باز ترتیب: اعجاز عبید)

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

مکمل کتاب پڑھیں ……

بادل (سانیٹ)

چھائے ہوئے ہیں چار طرف پارہ ہائے ابر

آغوش میں لئے ہوئے دنیائے آب و رنگ

میرے لئے ہے ان کی گرج میں سرودِ چنگ

پیغامِ انبساط ہے مجھ کو صدائے ابر

اٹّھی ہے ہلکے ہلکے سروں میں نوائے ابر

اور قطر ہائے آب بجاتے ہیں جلترنگ

گہرائیوں میں روح کی جاگی ہے ہر امنگ

دل میں اتر رہے ہیں مرے نغمہ ہائے ابر

مدّت سے لٹ چکے تھے تمنّا کے بار و برگ

چھایا ہوا تھا روح پہ گویا سکوتِ مرگ

چھوڑا ہے آج زیست کو خوابِ جمود نے

ان بادلوں سے تازہ ہوئی ہے حیات پھر

میرے لیے جوان ہے یہ کائنات پھر

شاداب کر دیا ہے دل ان کے سرود نے!

لارنس باغ میں

بیٹھا ہوا ہوں صبح سے لارنس باغ میں

افکار کا ہجوم ہے میرے دماغ میں

چھایا ہوا ہے چار طرف باغ میں سکوت

تنہائیوں کی گود میں لیٹا ہوا ہوں … مزید پڑھیے

اسلم عمادی کا دوسرا شعری مجموعہ

اجنبی پرندے

از قلم

اسلم عمادی

ڈاؤن لوڈ کریں

پی ڈی ایف فائل
ورڈ فائل
ٹیکسٹ فائل
ای پب فائل
کنڈل فائل

مکمل کتاب پڑھیں……

اجنبی پرندے

دوسرا مجموعۂ کلام

اسلم عمادی

عَالیَہ تسنیم کے نام

اور

محترم والدین کی نذر

تعارف

محمد اسلم عمادی بی۔  ای (میکانیکل )

انجینئر، بھارت ہیوی الکٹریکلز لمیٹڈ حیدرآباد

پیدائش:  ۱۵؍ دسمبر ۱۹۴۸ء

تصانیف: نیا جزیرہ ( پہلا مجموعۂ کلام ) ۱۹۷۴ء

نظمیں

یا محمدؐ

بزمِ ہستی میں جسم و جاں تجھ سے

وقت و آب و ہوا رواں تجھ سے

گہرے اُلجھے ہوئے اندھیروں میں

سبز سی روشنی نشاں تجھ سے

ٹمٹماتی ہوئی صداقت میں

شعلگی قائم و عیاں تجھ سے

منتظر اک اشارے کا مہتاب

مہر تاباں شفق فشاں تجھ سے

بوسہ گردِ پا کی آرزو مند

کس تمنا سے کہکشاں تجھ سے

ہے گلیمِ سیہ کی متمنی

وسعتِ دہر ولا مکاں تجھ سے

ذکر سے تیرے رنگ و نورِ حیات

ہے فروزاں مِرا جہاں تجھ سے

میری آنکھوں میں تیری خوشبو ہے

بے حجابانہ ہر نہاں تجھ سے

میرے ہونٹوں میں گرمیِ اظہار

میرے الفاظ میں بیاں تجھ سے

میرے دل میں ترے خیال کا حسن

ذہن میں نورِ بے اماں تجھ سے

یا محمدؐ … مزید پڑھیے

سیماب اکبر آبادی کے شاگرد کے قطعات و رباعیات کا مجموعہ

طلوع

از قلم

ضیا فتح آبادی

جمع و ترتیب: اعجاز عبید

ڈاؤن لوڈ کریں

ورڈ فائل
پی ڈی ایف فائل
ٹیکسٹ فائل
ای پب فائل
کنڈل فائل

مکمل کتاب پڑھیں …..

طلوع

ضیا فتح آبادی

جمع و ترتیب: اعجاز عبید

آرزو کا نہ خُون کر ساقی

دل دکھانے سے کچھ تو ڈر ساقی

دیکھ گھنگھور وہ گھٹا آئی

لا صراحی، پیالہ بھر ساقی

کر کیف کی خلّاقی ساقی

حسرت نہ رہے باقی ساقی

یوں دور ہو جام رنگیں کا

ہر لب پر ہو ساقی ساقی

چمن میں شور ہے ابر بہار آیا ہے

جہانِ غنچۂ و گل پر نکھار آیا ہے

پیالہ تو بھی مئے ارغواں سے بھر ساقی

کہ پُر اُمید ترا میگسار آیا ہے

کام شام و سحر ہے مستی سے

میں ہوں آزاد رنج ہستی سے

کیوں میں، اے فکر باطل فردا!

باز آ جاؤں مے پرستی سے

لے کالی گھٹائیں آئی ہیں

پرُکیف ہوائیں آئی ہیں

لا بادۂ و مینا اے ساقی

ہر سمت بہاریں چھائی ہیں

دور میں جام ارغوانی ہے

صحبتِ عیش جاودانی ہے

کیا ڈراتا ہے مجھ کو اے واعظ

میں جواں ہوں، مری جوانی ہے

ہے غلامی سے اسیری اچھی

اور … مزید پڑھیے

ایک اہم موضوع، ایک اہم کتاب

مرد کی قوّامیت: مفہوم اور ذمہ داری

از قلم

رضی الاسلام ندوی

ڈاؤن لوڈ کریں

پی ڈی ایف فائل

ورڈ فائل

ای پب فائل

کنڈل فائل

ٹیکسٹ فائل

مکمل کتاب  پڑھیں …..

مرد کی قوّامیت: مفہوم اور ذمہ داری

رضی الاسلام ندوی

اسلامی نظامِ خاندان پر جو اعتراضات کیے جاتے ہیں ان میں یہ اعتراض بہت نمایاں ہے کہ اس میں مرد کا غلبہ پایا جاتا ہے اور عورت کو کم تر حیثیت دی گئی ہے ۔ عورت رشتۂ نکاح میں بندھنے کے بعد ہر طرح سے اپنے شوہر پر منحصر اور اس کی دست نگر بن جاتی ہے ۔ شوہر کو اس پر حاکمانہ اختیارات حاصل ہو جاتے ہیں ، وہ جس طرح چاہتا ہے اس پر حکومت کرتا، اسے مشقت کی چکّی میں پیستا اور اس پر ہر طرح کے ظلم و ستم کو روا رکھتا ہے ، مگر وہ کسی صورت میں اس پر صدائے احتجاج بلند کر سکتی ہے ، نہ اس سے گلو خلاصی حاصل کر سکتی ہے ۔

اسلام میں عورت کی مظلومیت و محکومیت کی یہ تصویر بہ ظاہر بڑی بھیانک معلوم ہوتی ہے ، لیکن حقیقت سے اس کا دور کا بھی واسطہ نہیں ہے ۔ … مزید پڑھیے

ایک معلوماتی اور علمی مضمون

نہرِ زبیدہ

از قلم

رفیعہ نوشین

 

ڈاؤن لوڈ کریں

ورڈ فائل
پی ڈی ایف فائل
ٹیکسٹ فائل
ای پب فائل
کنڈل فائل

 

مکمل کتاب پڑھیں‏‏‏‏‏….

 

نہرِ زبیدہ

رفیعہ نوشین

سرزمین حجاز کی تاریخ ہزاروں سال پرانی ہے یہاں کئی تاریخی مقامات کے آثار اب بھی موجود ہیں۔ بچپن میں کہانی سن رکھی تھی کہ عباسی خلیفہ ہارون رشید کی اہلیہ ملکہ زبیدہ نے دریائے دجلہ سے نہر نکال کر مکہ مکرمہ تک لے آئیں۔

نام تو ان کا امۃ  العزیز تھا۔ مگر دادا ’زبیدہ‘ کہہ کر بلاتے، سو اسی نام سے انھیں جانا گیا۔ عربی زبان کے اس لفظ کا مفہوم ’منتخب‘ بھی ہے اور ’مکھن کا پیڑا‘ بھی۔

یوں گھر والے تو پیار سے کچھ بھی نام دے دیتے ہیں مگر عباسی شہزادی نے اپنے فلاحی کاموں سے اسلام کے سنہری دور کی فوک کہانیوں کے مجموعے ’اَلف لیلہ و لیلہ‘ (ایک ہزار ایک راتیں ) میں تو جگہ پائی ہی، رہتی دنیا تک اس نام کے زندہ رہنے کا بھی اہتمام کر دیا۔

زبیدہ خوش شکل، ذہین، نرم گو، رحم دل مخیر اور انتہائی خوش پوش خاتون تھیں۔ چچا زاد ہارون الرشید سے شادی ہوئی جو چار سال بعد پانچویں … مزید پڑھیے

ایک اور عمدہ شعری مجموعہ

اگلے موسم کا انتظار

غزلوں کا مجموعہ

اسلمؔ عمادی

ڈاؤن لوڈ کریں

پی ڈی ایف فائل

ورڈ فائل

ای پب فائل

کنڈل فائل

ٹیکسٹ فائل

مکمل کتاب پڑھیں …..

اگلے موسم کا انتظار

غزل مجموعہ

اسلمؔ عمادی

بسم اللہ الرحمن الرحیم

الف، ایک اللہ، اللہ اَپنا!

الف، ایک احمد ہی آگاہ اَپنا!

تعارف

محمد اسلم عمادی بی۔  ای (میکانیکل)

انجینئر

پیدائش:  ۱۵؍ دسمبر ۱۹۴۸

مطبوعہ تصانیف:

نیا جزیرہ (پہلا مجموعہ کلام) ۱۹۷۴ء

اجنبی پرندے (دوسرا مجموعہ کلام) ۱۹۸۹ء

اس کے لئے

سہہ لینا ہر اک سانس کی بے ہودہ سی ذلت

یعنی کہ تری راہ گزر بھول کے جینا !!

اور

اس کے لئے:

وہ جس نے کر دیا ہر استعارہ چکنا چور

وہ تیری شوخ سی آواز کا کھنکنا تھا

بقا کیوں؟ اِس بقا کی اہمیت کیا ہے؟

ان سوالوں کے باوجود، بقا در پیش ہے، کیوں کہ

یہ زندگی ہے … اور زندگی ایک کشمکش ہے،

جان لیوا اور جاں فزا… !

اس مجموعہ کا انتساب ان تمام لمحوں کے نام

کرتا ہوں جو اس نام نہاد زندگی کے دفاع میں

ضائع ہو رہے ہیں۔

_____اسلمؔ

٭٭٭

بابِ طبرق

۱۸ مئی ۱۹۸۱ء سے

کرب سے شیشۂ ساعت کی ہوئی ریگ کثیف

ایک اک … مزید پڑھیے

یاور ماجد کی ویب سائٹ سخن سرا ڈاٹ کام سے ماخوذ

سایہ نورد

غزلیں

آفتاب اقبال شمیم

جمع و ترتیب: یاور ماجد، اعجاز عبید

ڈاؤن لوڈ کریں

ورڈ فائل
پی ڈی ایف فائل
ٹیکسٹ فائل
ای پب فائل
کنڈل فائل

مکمل کتاب پڑھیں …..

سایہ نورد

آفتاب اقبال شمیم

جمع و ترتیب: یاور ماجد، اعجاز عبید

زمیں کی کشت میں بو، آندھیوں میں پال مجھے

غلام گردشِ ایام سے نکال مجھے

میں اپنے ظرف میں ٹھہرا ہوا سمندر تھا

چھلک رہا ہوں، ذرا دے میرے مثال مجھے

جلا چراغ تو شب سائیں سائیں کرنے لگی

ذرا سی موج طرب کر گئی نڈھال مجھے

میں اپنی اصل کو دیکھوں تری نگاہوں سے

مرے وجود سے باہر ذرا نکال مجھے

میں پیش وقت ہوں مجرم ہوں اس زمانے کا

نئی سیاستیں شاید کریں بحال مجھے

کسی کے ہارے ہوئے عزم کی ضمانت ہوں

بنا رکھا ہے زمانے نے یرغمال مجھے

میں اپنی ذات میں ہوں سرحدوں کا باشندہ

منافقت نے سکھایا ہے اعتدال مجھے

٭٭٭

مثال سیلِ بلا نہ ٹھہرے، ہوا نہ ٹھہرے

لگائے جائیں ہزار پہرے، ہوا نہ ٹھہرے

کہیں کہیں دھوپ چھپ چھپا کر اتر ہی آئی

دبیز بادل ہوئے اکہرے، ہوا نہ ٹھہرے

ورق جب الٹے، کتاب موسم دکھائے … مزید پڑھیے